ডিজিটেল ডেস্কঃ নীতিশ কুমাৰক মুখ্যমন্ত্ৰী হিচাবে লৈ বিজেপিৰ সমৰ্থনত গঠন হ'বলগীয়া বিহাৰৰ নতুন চৰকাৰখনত দুজন উপ মুখ্যমন্ত্ৰী থাকিব। বিশেষ সূত্ৰই এই কথা প্ৰকাশ কৰিছে। বিহাৰ বিজেপিৰ মুৰব্বী সম্ৰাট চৌধুৰী আৰু বিহাৰ বিধানসভাৰ বিৰোধী দলৰ নেতা বিজয় সিনহাক উপ- মুখ্যমন্ত্ৰী হিচাবে দায়িত্ব দিয়া হ'ব পাৰে বুলি সূত্ৰটোৱে জনাইছে।
দলটোৰ ৰাষ্ট্ৰীয় মুৰব্বী জে পি নাড্ডা আজি সন্ধিয়া পাটনাত উপস্থিত হ'ব আৰু নীতিশ কুমাৰৰ জনতা দল (ইউনাইটেড)ৰ সৈতে মিত্ৰতা চূড়ান্ত কৰিব।
উল্লেখ্য নীতিশ কুমাৰে ৰাজ্যপালৰ কাৰ্যালয়ত উপস্থিত হৈ দেওবাৰে দিনৰ ১১ বজাত পদত্যাগ পত্ৰ প্ৰদান কৰে। ইয়াৰ পূৰ্বে তেওঁ তেওঁৰ দলৰ বিধায়কসকলক তেওঁৰ চৰকাৰী বাসভৱনলৈ মাতি নি এক বৈঠকত মিলিত হয়। পদত্যাগৰ লগে লগে কুমাৰে ২৮ দলীয় বিৰোধী ইণ্ডিয়া মিত্ৰজোঁটৰ পৰাও প্ৰস্থান কৰিলে।
Continue Reading
