ডিজিটেল ডেস্কঃ কোভিডক সহজভাবে নল’বলৈ বিশ্বৰ স্বাস্থ্য বিজ্ঞানীসকলে সতৰ্কবাণী শুনাই থকাৰ সময়তে বিহাৰৰ বোধগয়াত চাৰিজন বিদেশী পৰ্যটকৰ দেহত কোভিড-১৯ পোৱা গৈছে। লগে লগে চাৰিওজন বিদেশীলোককে পৃথককৈ ৰখাৰ ব্যল্থা কৰা হৈছে।উল্লেখ্য দালাই লামাই ২৯ ডিচেম্বৰৰ পৰা কিছুদিনৰ বাবে গয়াত থাকিব।
কোভিড ধৰা পৰা চাৰিওজন পৰ্যটকে দালাই লামাৰ অনুষ্ঠানত উপস্থিত থাকিবলৈ ভাৰতলৈ আহিছিল।আক্ৰান্তসকলৰ ভিতৰত এজন ম্যানমাৰৰ, এজন থাইলেণ্ডৰ আৰু দুজন ব্ৰিটেইনৰ। গয়া জিলাৰ দায়িত্বত থকা চিকিৎসা বিষয়া ডাঃ ৰঞ্জন সিঙৰ মতে আক্ৰান্ত বিদেশী লোক কেইজনৰ শাৰীৰিক অৱস্থা গুৰুতৰ নহয়। অৱশ্যে, সংক্ৰমণ বিয়পা প্ৰতিহত কৰিবলৈ কৰ্তৃপক্ষই সকলো প্ৰয়োজনীয় সাৱধানতা অৱলম্বন কৰিছে৷
ইফালে কৰোনা ভাইৰাছৰ লক্ষণৰ থকা বাবে এজন বিদেশী লোকক কলকাতা বিমানবন্দৰৰ পৰা চিকিৎসালয়লৈ নিয়া হৈছে৷তেওঁক বেলেঘাটা আইডিত পৃথকভাৱে ৰখা হৈছে। ব্ৰিটিছ পাছপোৰ্ট থকা যাত্ৰীজনে অষ্ট্ৰেলিয়াৰ পৰা কলকাতালৈ আহিছিল। উল্লেখ্য প্ৰায় ৫০ খন দেশৰ ৬০,০০০ লোক বোধ গয়াৰ অনুষ্ঠানত অংশগ্ৰহণ কৰিবলৈ ভাৰতলৈ আহিব।
Continue Reading
