'বিজেপি বিষাক্ত সাপ': 'সনাতন' বিতৰ্কৰ মাজতে উধায়ানিধিৰ আন এক বিস্ফোৰক মন্তব্য

উদয়নিধিয়ে কয়"যদি এটা বিষাক্ত সাপ আপোনাৰ ঘৰত প্ৰৱেশ কৰে, ইয়াক বাহিৰলৈ উলিয়াই দিব লাগে।  যদি চাৰিওফালৰ জোপোহাবোৰ পৰিষ্কাৰ কৰা নহয়, সাপডালে  ঘৰটোত পুনৰ প্ৰৱেশ কৰিব পাৰে।" তাৰ পিছত তেওঁ তেওঁৰ মন্তব্যৰ ব্যাখ্যা আগবঢ়াই কয়, "বিজেপি এটা বিষাক্ত সাপ। এআইএডিএমকেৰ ঘৰৰ কাষ  লেতেৰা হৈ পৰিছে। তাতেই সাপে আশ্ৰয় লৈছে"। বিজেপিৰ পৰা পৰিত্ৰাণ পাবলৈ এআইএডিএমকেক আঁতৰাব লাগিব বুলিও উধায়ানিধিয়ে কয়।উল্লেখ্য কিছুদিন পূৰ্বে সামাজিক বৈষম্য দূৰ কৰাৰ বাবেই সনাতন ধৰ্ম বিলুপ্ত কৰিব লাগে বুলি উদয়ানিধিয়ে মন্তব্য কৰিছিল।  "মহ, ডেংগু, মেলেৰিয়া, জ্বৰ আৰু কৰোনা"ৰ সৈতে 'সনাতন ধৰ্ম'ক তুলনা কৰা উদয়ানিধিক তুলাধুনা দিছে বিজেপিয়ে।  তেওঁক  সমালোচনা কৰি কেন্দ্ৰীয় মন্ত্ৰী স্মৃতি ইৰাণীয়ে কৈছিল  যে ভগৱান কৃষ্ণৰ বাবে শ্লোগান ইমান জোৰেৰে হ'ব লাগে যে সেয়া  সনাতন ধৰ্মক প্ৰত্যাহ্বান জনোৱা লোকসকলৰ ওচৰলৈ যাব পাৰে।

তামিলনাডুৰ ক্ৰীড়া মন্ত্ৰী উদয়ানিধি ষ্টেলিন আৰু কংগ্ৰেছ নেতা প্ৰিয়ংক খাৰ্গেৰ বিৰুদ্ধে "ধৰ্মীয় আৱেগক আঘাত কৰা" বুলি গোচৰ ৰুজু কৰা হৈছে। উত্তৰ প্ৰদেশৰ ৰামপুৰত দুজন অধিবক্তাৰ অভিযোগৰ ভিত্তিত এখন এজাহাৰ দাখিল কৰা হৈছে। কেন্দ্ৰীয় আইন আৰু ন্যায় মন্ত্ৰী অৰ্জুন ৰাম মেঘৱালে বিৰোধীপক্ষক আক্ৰমণ কৰি কয়  যে তেওঁলোকে সনাতন ধৰ্মৰ বিৰুদ্ধে নিৰন্তৰ "বিহ বিয়পাই আছে"।   কেন্দ্ৰীয় গৃহমন্ত্ৰী অমিত শ্বাহেও এই মন্তব্যৰ প্ৰত্যুত্তৰ দি কয় যে এয়া ইণ্ডিয়া মিত্ৰজোঁটৰ  ৰাজনৈতিক অস্ত্ৰ । 

তেওঁ কয়  যে বিৰোধী ইণ্ডিয়া  মিত্ৰজোঁটে প্ৰকৃততে "হিন্দুত্বক ঘৃণা কৰে। তেওঁলোকৰ উদ্দেশ্য হৈছে "পৰম্পৰাৰ ওপৰত আক্ৰমণ" কৰা"।উল্লেখ্য উদয়নিধিয়ে অলপতেএখন ধৰ্মীয় সন্মিলনত অংশগ্ৰহণ কৰি কৈছিল, "কিছুমান বস্তুৰ প্ৰতিবাদ কৰিব নোৱাৰি। সেইবোৰ বিলুপ্ত কৰিব লাগিব। আমি ডেংগু, মহ, মেলেৰিয়া বা কৰোনাৰ বিৰোধী নহয়। আমি ইয়াক আঁতৰ কৰিব লাগিব। একেদৰে, আমি সনাতন ধৰ্ম বাতিল কৰিব লাগিব। 'সনাতন' শব্দটো সংস্কৃতৰ পৰা আহিছে। এয়া সামাজিক ন্যায় আৰু সমতাৰ বিৰুদ্ধে। "