ডিজিটেল ডেস্কঃ বুধবাৰে ভাৰতীয় জনতা পাৰ্টিৰ ছট্টিশগড়ৰ মুখ্যমন্ত্ৰী ভূপেশ বাঘেলে তীব্ৰ ভাষাৰে সমালোচনা কৰিছে। মুখ্যমন্ত্ৰীগৰাকীয়ে অভিযোগ কৰে যে বিজেপি নেতাৰ কন্যাই মুছলমানক বিবাহ কৰালে প্ৰেম বুলি কোৱা হয়। কিন্তু আনে কৰিলে ইয়াক ‘লাভ জেহাদ’ বুলি অভিহিত কৰা হয়।
ছট্টিশগড়ৰ বিলাসপুৰ চহৰত সাংবাদিকৰ সৈতে হোৱা কথা-বতৰাত বিজেপিৰ বিৰুদ্ধে আন কেইবাটাও অভিযোগ উত্থাপন কৰে মুখ্যমন্ত্ৰীগৰাকীয়ে। বিগত সপ্তাহত বেমেতাৰা জিলাৰ বীৰাণপুৰ গাঁৱত সংঘটিত হোৱা সাম্প্ৰদায়িক হিংসাৰ ৰাজনৈতিক সুবিধা ল’বলৈ বিজেপিয়ে চেষ্টা কৰা বুলি কয় মুখ্যমন্ত্ৰীগৰাকীয়ে।
ভুক্তভোগীৰ পৰিয়ালক সাক্ষাৎ কৰাৰ অন্তত মুখ্যমন্ত্ৰী বাঘেলে কয় যে উপায়ুক্ত পৰ্যায়ৰ বিষয়াসকলে বিষয়টো তদন্ত কৰি আছে। মৃতকৰ পৰিয়ালৰ এজন সদস্যক চাকৰি দিয়াৰ লগতে ১০ লাখ টকাৰ সাহায্য দিয়া হ’ব বুলিও ঘোষণা কৰে মুখ্যমন্ত্ৰী বাঘেলে।
মুখ্যমন্ত্ৰী বাঘেলে সাংবাদিকক প্ৰশ্ন কৰে, “বিজেপিয়ে লাভ জেহাদৰ কথা কয়। যেতিয়া বিজেপিৰ জ্যেষ্ঠ নেতাৰ কন্যা সন্তানক মুছলমানৰ সৈতে বিয়া দিয়ে এইটো কিয় লাভ জেহাদৰ ভিতৰত নপৰে? আপোনালোকে সোধক যে ছট্টিশগড়ৰ বিজেপিৰ সবাতোতকৈ জ্যেষ্ঠ নেতাৰ কন্যা কাৰ লগত বিয়া হৈছে। এইটো লাভ জেহাদ নহয় নেকি? তেওঁ বিজেপি নেতা কন্যা হোৱাৰ বাবে এয়া প্ৰেম আৰু আনে এনে কৰিলে সেয়া জেহাদ হয়।”
Continue Reading
