ডিজিটেল ডেস্কঃ কংগ্ৰেছ বনাম বিজেপিৰ আই টি চেলৰ খেলখন অধিক আকৰ্ষণীয় হৈ উঠিছে৷শেহতীয়াকৈ কৰ্ণাটকৰ কংগ্ৰেছ নেতা ৰমেশ বাবুৱে বুধবাৰ অৰ্থাৎ ২৮ জুন তাৰিখে ভাৰতীয় জনতা পাৰ্টীৰ আই টি চেলৰ মুৰব্বী অমিত মালব্যৰ বিৰুদ্ধে কংগ্ৰেছ নেতা ৰাহুল গান্ধীৰ ওপৰত কৰা টুইটৰ বাবে বেংগালুৰুৰ হাই গ্ৰাউণ্ড থানাত এফ আই আৰ দাখিল কৰে। কংগ্ৰেছ নেতাগৰাকীয়ে মালব্যৰ বিৰুদ্ধে গোচৰ ৰুজু কৰি ভাৰতীয় দণ্ডবিধিৰ ১৫৩এ, ১২০বি, ৫০৫(২), ৩৪ ধাৰাত এফআইআৰ ৰুজু কৰে।
যদিও এফআইআৰ কি টুইট সন্দৰ্ভত দাখিল কৰা হৈছিল সেই বিষয়ে স্পষ্ট নহয়, শেহতীয়াকৈ অমিত মালব্যই ৰাহুল গান্ধীৰ আমেৰিকা ভ্ৰমণৰ এটা ভিডিঅ’ শ্বেয়াৰ কৰি ৰাহুলে ‘কূটনৈতিক খেল’ খেলি থকাৰ অভিযোগ উত্থাপন কৰিছে।
কৰ্ণাটকৰ মন্ত্ৰী প্ৰিয়ংক খৰ্গেই কয় যে এই গোচৰটো আইনী মতামত বিচাৰি দাখিল কৰা হৈছে। সাংবাদিকৰ সৈতে হোৱা এক সাক্ষাৎকাৰত কংগ্ৰেছ মন্ত্ৰীগৰাকীয়ে কয় যে, বিজেপিয়ে যেতিয়াই আইনৰ সন্মুখীন হ’বলৈ কোৱা হয় তেতিয়াই সদায় কান্দে।তেওঁলোকৰ দেশৰ আইন মানি চলাত সমস্যা হয়।
ইপিনে প্ৰিয়ংক খৰ্গেৰ মন্তব্যক প্ৰতিক্ৰিয়া প্ৰকাশ কৰি দক্ষিণ বেংগালুৰুৰ সাংসদ তেজস্বী সূৰ্যই কয় যে এই গোচৰটো ৰাজনৈতিক উদ্দেশ্যপ্ৰণোদিত আৰু এই বিষয়ত ন্যায়ৰ বাবে বিজেপিয়ে আদালতত প্ৰত্যাহ্বান জনাব।
Continue Reading
