ডিজিটেল ডেস্কঃ এগৰাকী বিজেপি নেতাৰ যৌন কেলেংকাৰীৰ টেপ সম্প্ৰচাৰ কৰাৰ বাবে এতিয়া চৰকাৰৰ ৰোষত পৰিছে এটি টিভি নিউজ চেনেল। তথ্য আৰু সম্প্ৰচাৰ মন্ত্ৰালয়ে মাৰাঠী নিউজ চেনেল 'লোকশাহী'ৰ অনুজ্ঞাপত্ৰ ৩০ দিনৰ বাবে নিলম্বন কৰিছে ।
চৰকাৰে এইবুলি কৈছে যে চেনেলটোৰ অপাৰেটৰসকল সেই সকল ব্যক্তি নহয় যাৰ নামত অনুজ্ঞাপত্ৰ জাৰি কৰা হৈছিল, যোৱা বছৰ চেনেলটোৱে বিজেপি নেতা কিৰিট চোমায়াৰ এটা যৌন কেলেংকাৰীৰ টেপসম্প্ৰচাৰকৰাৰ বাবে ৭২ ঘণ্টাৰ নিলম্বনৰ জাননী লাভ কৰিছিল।
২০২৩ চনৰ ১৭ জুলাইত বিজেপি নেতা কিৰিট চোমায়াৰ বিষয়ে প্ৰতিবেদন সম্প্ৰচাৰ কৰাৰ বাবে যোৱা বছৰৰ ছেপ্টেম্বৰত মন্ত্ৰালয়ে চেনেলটোলৈ নিলম্বনৰ জাননী প্ৰেৰণ কৰিছিল।
সেই সময়ত নিউজ চেনেলটোৱে মাত্ৰ ৭২ ঘণ্টাৰ বাবে নিলম্বনৰ জাননী লাভ কৰিছিল। চেনেলটোৱে ইয়াৰ বিৰুদ্ধে দিল্লী উচ্চ ন্যায়ালয়ত আবেদন কৰিছিল। আদালতে নিলম্বনৰ আদেশটো বাতিল কৰিছিল।চেনেলটোৱে ইয়াৰ প্ৰাইম-টাইম বাতৰিত বিজেপি নেতা সোমিয়াৰ এটা যৌন ভিডিঅ'ৰ বিষয়ে প্ৰতিবেদন প্ৰকাশ কৰিছিল।
ইয়াৰ পিছতে সোমিয়াই মুম্বাই আৰক্ষী, তথ্য আৰু সম্প্ৰচাৰ মন্ত্ৰালয় আৰু ভাৰতীয় টেলিকম নিয়ামক কৰ্তৃপক্ষৰ (ট্ৰাই) ওচৰত অভিযোগ দাখিল কৰিছিল। একে সময়তে, তেওঁ বোম্বাই উচ্চ ন্যায়ালয়ৰো কাষ চাপিছিল আৰু কৈছিল যে ইয়াৰ ফলত তেওঁৰ ভাবমূৰ্তি কলুষিত হৈছে।
Continue Reading
