ডিজিটেল ডেস্কঃ নিৰ্বাচনী বণ্ডৰ বহু নতুন নতুন তথ্য পোহৰলৈ আহি আছে। তথ্য অনুসৰি এপ্ৰিল ২০১৯ ৰ পৰা নিৰ্বাচনী বণ্ড ক্ৰয় কৰা কোম্পানীবোৰৰ ভিতৰত, নিফটিৰ সূচকত থকা ১৫ টা তালিকাভুক্ত আছে, যাৰ ভিতৰত আঠটা বিএছই চেঞ্চেক্সত তালিকাভুক্ত কৰা কোম্পানী। বৃহস্পতিবাৰে ভাৰতীয় ষ্টেট বেংক (এছবিআই) আৰু নিৰ্বাচন আয়োগে প্ৰকাশ কৰা তথ্য অনুসৰি।
১৫ টা নিফটি ৫০ত -তালিকাভুক্ত কোম্পানীয়ে মুঠ ৬৪৬ কোটি টকাৰ নিৰ্বাচনী বণ্ড ক্ৰয় কৰিছিল। আনহাতে সেইবোৰৰ ভিতৰত ভিতৰত চেঞ্চেক্স-তালিকাভুক্ত কোম্পানীবোৰৰ অংশ হৈছে প্ৰায় আধা, অৰ্থাৎ ৩৩৭ কোটি টকা। কেৱল ১৫ টা কোম্পানীয়ে ক্ৰয় কৰা বিজেপিৰ নিৰ্বাচনী বণ্ডৰ মূল্য ৫২১ কোটি টকা বা মুঠ বণ্ডৰ ৮১ %।
উল্লেখ্য নিফটিয়ে ৰাষ্ট্ৰীয় ষ্টক এক্সচেঞ্জত তালিকাভুক্ত ৫০ টা ডাঙৰ কোম্পানীক প্ৰতিনিধিত্ব কৰে। চেঞ্চেক্স হৈছে একে ধৰণৰ সূচক যি বোম্বাই ষ্টক এক্সচেঞ্জত তালিকাভুক্ত ৩০ টা বৃহৎ কোম্পানীক প্ৰতিনিধিত্ব কৰে। এই সূচকসমূহৰ কোম্পানীবোৰে সমগ্ৰ ভাৰতীয় অৰ্থনীতিৰ মুখ্য খণ্ডসমূহক প্ৰতিনিধিত্ব কৰে। এই ১৫ টা কোম্পানীৰ ভিতৰত, প্ৰায় ১৩ টা কোম্পানীয়ে বিজেপিক দান কৰিছিল, আনহাতে দুটা (আইটিচি আৰু টেক মহিন্দ্ৰাই) বিজেপিক কোনো অনুদান দিয়া নাছিল।
Continue Reading
