ডিজিটেল ডেস্কঃ এটা আন্তঃৰাষ্ট্ৰীয় বিমানবন্দৰত নিৰাপত্তাৰক্ষীয়ে পৰীক্ষাৰ সময়ত এগৰাকী মহিলাৰ কেৰী বেগত ৪ ফুট দীঘল সাপ উদ্ধাৰ কৰিলে৷ তাৰপাছতে সৃষ্টি হয় চৰম কৌতূহলৰ। কেনেকৈ কেৰী বেগত সাপ উলাল?
মহিলাগৰাকীয়ে বিমানত যাত্ৰা কৰোতে সাপডাল লগত লৈ যাব বিচাৰিছিল। কিন্তু নিৰাপত্তাৰক্ষীৰ পৰীক্ষাৰ সময়ত সাপডাল ধৰা পৰে৷
আমেৰিকাৰ টাম্পা আন্তঃৰাষ্ট্ৰীয় বিমানবন্দৰত সংঘটিত হৈছে এই চাঞ্চল্যজনক ঘটনাটো। যোৱা ১৫ ডিচেম্বৰত সংঘটিত হোৱা ঘটনাটোৰ ছৱি এতিয়া ছ’চিয়েল মিডিয়াত ভাইৰেল হৈ পৰিছে।
বেগটোৰ ভিতৰত লুকাই থকা সাপটো ছবিখনত দেখুওৱা হৈছে। বেগটো পৰীক্ষাৰ বাবে যেতিয়া স্কেনিং মেচিনত ৰাখিছিল, তেতিয়াহে পোহৰলৈ আহিছিল সাপডালৰ কথা। জানিব পৰা মতে মহিলাগৰাকীয়ে নিজৰ কেৰী বেগত ৪ ফুট দীঘল সাপ লুকুৱাই ৰাখিছিল৷ পৰিবহণ নিৰাপত্তা প্ৰশাসনে চিকিউৰিটি চেকৰ সময়ত তোলা এক্স-ৰে ফটো ইনষ্টাগ্ৰামত শ্বেয়াৰ কৰিছে।
সাপডাল ব’য়া কনষ্ট্ৰিক্টৰ প্ৰজাতিৰ বুলি জনা গৈছে। সাপডাল বিষহীন। মহিলাগৰাকীৰ বেগত লুকাই থকা সাপটো দেখি বিমানবন্দৰৰ নিৰাপত্তাৰক্ষীৰ ভয়ত বুকু কঁপি যায়।
Continue Reading
