ডিজিটেল ডেস্কঃ ইণ্ডিগোৰ বিমান খন তেতিয়া মাজ আকাশত উৰি আছিল৷ । যাত্ৰী এজনে মতাত বিমান পৰিচাৰিকা এগৰাকী যাত্ৰী জনৰ কাষলৈ আহিল৷ কিন্তু যাত্ৰীজনৰ কথা শুনি হতবাক হৈ পৰিল বিমান পৰিচাৰিকা৷ ছ'চিয়েল মিডিয়াত ভাইৰেল হোৱা ভিডিঅ'টোত এজন যাত্ৰীৰ হাতত গুটখা থকা দেখা গৈছে। তেওঁ ফ্লাইট এটেণ্ডেণ্টক মাতিছিল।
বিমান পৰিচাৰিকাই জানিব বিচাৰে যে তেওঁ যাত্ৰীগৰাকীক কেনেদৰে সহায় কৰিব পাৰে। তেতিয়া যুৱকজনে বিমানখনৰ খিৰিকীখন খুলিবলৈ কৈছিল। তেওঁ গুটখাৰ পিক পেলাবৰ বাবেই এনেদৰে অনুৰোধ জনাইছিল! এই কথা শুনি বিমান পৰিচাৰিকায়ো হাঁহি ৰখাব নোৱাৰিলে , যুৱকজনেও হাঁহিলে।যাত্ৰীজনে হয়তো কেৱল ধেমালি কৰিবলৈয়েই এনেদৰে ভিডিঅ'টো তৈয়াৰ কৰিছে । ভিডিঅ’টোৰ সত্য-সত্যতা প্ৰাগ নিউজ ডিজিটেলে অৱশ্যে পৰীক্ষা কৰি চোৱা নাই৷ ছ’চিয়েল মিডিয়াত ভাইৰেল হোৱা ভিডিঅ’টোত বহুতে বিভিন্ন ধৰণৰ মন্তব্য কৰিছে৷
ইফালে আন এক ঘটনাত এগৰাকী মহিলা বিমান পৰিচালিকাক দুৰ্ব্যৱহাৰ কৰাৰ অভিযোগত দুজন যাত্ৰীক বিমানৰ পৰা নমাই দিয়া হয়। ঘটনাটোৰ এটা ভিডিঅ' পোহৰলৈ আহিছে। স্পাইচজেটে এটা বিবৃতিত কৈছিল যে বিমানখন ২৩ জানুৱাৰীত দিল্লীৰ পৰা হায়দৰা বাদলৈ ৰাওনা হোৱাৰ কথা আছিল। কিন্তু দিল্লী বিমানবন্দৰ এৰাৰ আগতে এগৰাকী বৃদ্ধ যাত্ৰীয়ে এগৰাকী মহিলা বিমান পৰিচাৰিকাৰ সৈতে তৰ্ক-বিতৰ্কত লিপ্ত হয়। ওঁৰ সৈতে আন এজন যাত্ৰীয়ে যোগ দিছিল। পৰিস্থিতি উত্তপ্ত হোৱাৰ লগে লগে নিৰাপত্তাৰ দায়িত্বত থকা লোকসকল ঘটনাস্থলীত উপস্থিত হয়। তাৰ পিছত যাত্ৰী দুজনক বিমানৰ পৰা নমাই দিয়া হয়৷
Continue Reading
