ডিজিটেল ডেস্কঃ দিল্লী বিমানবন্দৰত কোকেইন সৰবৰাহ কৰি থকা অৱস্থাত ধৰা পৰে এজন বিদেশী যাত্ৰী। উদ্ধাৰ হোৱা কোকেইনৰ বজাৰ মূল্য ১১ কোটি টকা। দেওবাৰে পোহৰলৈ আহে এই ঘটনা।
সংবাদ সংস্থা পিটিআইৰ মতে, ১৮ জুনত ইথিওপিয়াৰ আদিছ আবাবাৰ পৰা দিল্লীলৈ উভতি আহিছিল গিনি বিছাউৰ এজন নাগৰিক। দিল্লী বিমানবন্দৰত তালাচীৰ সময়তে ধৰা পৰে মহিলাগৰাকী। তালাচীৰ সময়ত নিৰাপত্তাৰক্ষীয়ে মহিলাগৰাকীয়ে ৫৯টা কোকেইন কেপচুল গিলি পেলোৱা বুলি জানিব পাৰে।
ইয়াৰ পিছতে মহিলা যাত্ৰীগৰাকীক স্থানীয় চিকিৎসালয়লৈ লৈ যোৱা হয়। তাতে তেওঁৰ পেটৰ পৰা কোকেইন উলিয়াই দিয়া হ’ল। উদ্ধাৰ হৈছে ৭২৪ গ্ৰাম কোকেইন। পিছত মহিলাগৰাকীক গ্ৰেপ্তাৰ কৰা হয়।
বিমানবন্দৰত ড্ৰাগছ উদ্ধাৰৰ এনে ঘটনা কেইবাবাৰো পোহৰলৈ আহিছে। কিছুদিন পূৰ্বে মুম্বাই বিমানবন্দৰত ২৮ কোটি টকাৰ কোকেইনসহ এজন লোকক গ্ৰেপ্তাৰ কৰা হৈছিল। সংবাদ সংস্থা এএনআইৰ মতে, ড্ৰাগছটো এটা বেগৰ তলত লুকুৱাই ৰাখিছিল। সেইবাৰ যাত্ৰীজনৰ পৰা উদ্ধাৰ হৈছিল প্ৰায় তিনি কেজি ড্ৰাগছ।
Continue Reading
