ডিজিটেল ডেস্কঃ "কালৰো কাল বিপৰীত কাল,হৰিণাই চেলেকে বাঘৰ গাল"৷ শেহতীয়াকৈ এয়াৰ ইণ্ডিয়াৰ এখন বিমানত উচ্ছৃংখল আচৰণ আৰু ধূম্ৰপানৰ অভিযোগত আৰক্ষীয়ে এজন যাত্ৰীক গ্ৰেপ্তাৰ কৰিছিল৷লোকজনক মুম্বাইৰ এখন আদালতে জামিনৰ বাবে ২৫,০০০ টকা জৰিমনা হিচাবে আদায় দিবলৈ নিৰ্দেশ দিছিল৷ কিন্তু লোকজনে জৰিমনাৰ ধন আদায় নিদিয়াত লোকজনক কাৰাগাৰলৈ প্ৰেৰণ কৰে৷
উল্লেখ্য লোকজনে আদালতত আইপিচি ধাৰাৰ অধীনত পৰিশোধ কৰিবলগা জৰিমনা ২৫০ টকাহে বুলি দাবী কৰে ৷ কাৰণ ব্যক্তিজনে অনলাইন 'অনুসন্ধান'ৰ কৰি জৰিমনা ২৫০ টকা বুলিহে জানিব পাৰিছে৷ সেয়েহে তেওঁ ২৫,০০০টকাৰ জৰিমনাৰ ধন দিয়াৰ পৰা বিৰত থাকে৷উল্লেখযোগ্য যে এয়াৰ ইণ্ডিয়াৰ লণ্ডনৰ পৰা মুম্বাইলৈ যাত্ৰা কৰা বিমানৰ শৌচাগাৰত ধূমপান কৰা আৰু ১০ মাৰ্চত উচ্ছৃংখল আচৰণ কৰি ধৰা পৰাৰ পিছত তেওঁক ভাৰতীয় দণ্ডবিধিৰ ৩৩৬ ধাৰা (আনৰ জীৱন বা ব্যক্তিগত সুৰক্ষা বিপদাপন্ন কৰাৰ কাৰ্য)ৰ অধীনত অভিযুক্ত কৰা হৈছিল।
অভিযুক্তজনে আদালতক কৈছিল যে তেওঁ অনলাইনত পঢ়িছে যে আইপিচিৰ ধাৰা ৩৩৬ৰ অধীনত পৰিশোধ কৰিবলগা জৰিমনা হৈছে ২৫০ টকা, যিটো তেওঁ পৰিশোধ কৰিবলৈ ইচ্ছুক, কিন্তু জামিনৰ বাবে পৰিশোধ কৰিবলগীয়া ২৫,০০০টকা পৰিশোধ কৰিবলৈ তেওঁ অনিচ্ছুক৷লোককজনৰ এই ভাষ্যৰ পিছত, আন্ধেৰী মেট্ৰ'পলিটান ন্যায়ালয়ৰ দণ্ডাধীশে তেওঁক কাৰাগাৰলৈ প্ৰেৰণ কৰে।
Continue Reading
