ডিজিটেল ডেস্কঃ "তুমি নতুন পুৰুষ,তুমি নতুন নাৰী,অনাগত দিনৰ জাগ্ৰত প্ৰহৰী৷" মহাৰাষ্ট্ৰৰ সতাৰা অঞ্চলত বাস কৰা সুৰেখা যাদৱে ১৯৮৮ চনত ভাৰতৰে নহয় বৰঞ্চ এছিয়া মহাদেশৰ প্ৰথমগৰাকী মহিলা ট্ৰেইন ড্ৰাইভাৰ হিচাপে পৰিগণিত হৈছে৷
সেইগৰাকী সুৰেখা যাদৱে পুনৰ নিজৰ কৰ্মৰ জৰিয়তে সংবাদশীৰ্ষক দখল কৰিছে৷এছিয়াৰ প্ৰথম গৰাকী মহিলা লক’পাইলট সুৰেখা যাদৱ এতিয়া অৰ্ধ-উচ্চ গতিৰ বন্দে ভাৰত এক্সপ্ৰেছ ৰেল খন পৰিচালনা কৰা প্ৰথম গৰাকী মহিলা হিচাপে পৰিগণিত হৈছে। কেন্দ্ৰীয় ৰে'ল মন্ত্ৰালয়ৰ এক প্ৰেছ বিজ্ঞপ্তি অনুসৰি, যাদৱে মুম্বাইৰ চোলাপুৰ ষ্টেচন আৰু ছত্ৰপতি শিৱাজী মহাৰাজ টাৰ্মিনাচৰ মাজত চলা অৰ্ধ-উচ্চ গতিৰ বন্দে ভাৰত এক্সপ্ৰেছ ৰে’লখন চলাইছে৷
উল্লেখযোগ্য যে নিৰ্ধাৰিত সময়তকৈ পাঁচ মিনিট আগতেই ৰে'লখন চিএছএমটি ষ্টেচনত উপস্থিত হয়৷ কেন্দ্ৰীয় ৰে'লৱেৰ এক সূত্ৰই প্ৰকাশ কৰা মতে ৪৫০ কিলোমিটাৰতকৈও অধিক দীঘলীয়া যাত্ৰা সম্পূৰ্ণ হোৱাৰ পিছত যাদৱক চিএছএমটিৰ ৮ নং প্লেটফৰ্মত সম্বৰ্ধনা জনোৱা হয়।
Continue Reading
