ডিজিটেল ডেস্কঃ এয়াৰ ইণ্ডিয়াৰ বিমানত সহযাত্ৰীৰ গাত প্ৰস্ৰাৱ কৰাৰ পিছৰে পৰা পলাতক হৈ আছে শংকৰ মিশ্ৰ নামৰ লোকজন৷ অভিযুক্ত শংকৰ মিশ্ৰাই বাংগালুৰুত আত্মগোপন কৰি আছে নেকি? দিল্লী আৰক্ষীয়ে তেওঁৰ অন্তিম অৱস্থান পৰীক্ষা কৰি তেওঁ বাংগালুৰুত থকা বুলি নিশ্চিত হৈছে৷ আৰক্ষীয়ে শংকৰক ধৰিবলৈ ইতিমধ্যে দুটা দল গঠন কৰিছে আৰু এটা দল মুম্বাইলৈ তথা আনটো বাংগালুৰুলৈ প্ৰেৰণ কৰিছে।
কিন্তু শংকৰৰ অৱস্থানৰ বিষয়ে আৰক্ষীয়ে এতিয়ালৈকে কোনো নিশ্চিত তথ্য লাভ কৰিবলৈ সক্ষম হোৱা নাই৷ দিল্লী আৰক্ষীৰ সূত্ৰ অনুসৰি শংকৰে তেওঁৰ বিৰুদ্ধে গোচৰ ৰুজু হোৱাৰ পিছতে তেওঁৰ ভগ্নীক লগ কৰিবলৈ বাংগালুৰুলৈ গৈছিল। খবৰটো পোৱাৰ পিছতে দিল্লী আৰক্ষীয়ে তালৈ এটা দল প্ৰেৰণ কৰে। শঙ্কৰৰ ভনীয়েকক আৰক্ষীয়ে জেৰা কৰি আছে। দিল্লী আৰক্ষীয়ে ইতিমধ্যে শংকৰৰ বিৰুদ্ধে লুক-আউট জাননী জাৰি কৰিছে যাতে তেওঁ দেশৰ পৰা পলায়ন কৰিব নোৱাৰে।
শংকৰৰ দেউতাককো মুম্বাইত আৰক্ষীয়ে সোধা-পোছা কৰি আছে। উল্লেখ্য ২৮ ডিচেম্বৰত এয়াৰ ইণ্ডিয়াই শংকৰৰ বিৰুদ্ধে দিল্লীৰ পালম আৰক্ষী থানাত এটা গোচৰ ৰুজু কৰিছিল। শংকৰ তেতিয়াৰে পৰা পলাতক হৈ আছে। উত্তৰ প্ৰদেশৰ বাসিন্দা শংকৰ। আৰক্ষীয়ে সন্দেহ কৰিছিল যে অভিযুক্তজন উত্তৰ প্ৰদেশলৈ পলাই যাবও পাৰে। ইয়াৰ মাজতে আৰক্ষীয়ে জানিব পাৰিছে যে শংকৰ বাংগালুৰুত আছে।
Continue Reading
