ডিজিটেল ডেস্কঃ কলকাতা উচ্চ ন্যায়ালয়ে পশ্চিম বংগ চৰকাৰৰ পৃষ্ঠপোষকতাত আৰু সাহায্যপ্ৰাপ্ত বিদ্যালয়সমূহৰ ৫৯ জন প্ৰাথমিক শিক্ষকৰ চাকৰিৰ পৰা অবৈধ উপায়েৰে নিযুক্তি লাভ কৰাৰ বাবে বৰ্খাস্ত কৰাৰ নিৰ্দেশ বাহাল ৰাখিছে। ফলত চাকৰি হেৰুওৱা এনে লোকৰ মুঠ সংখ্যা ২৫২ জনলৈ বৃদ্ধি পাইছে। ন্যায়াধীশ অভিজিত গঙ্গোপাধ্যায়ে পূৰ্বৰ আদেশত মুঠ ২৬৯ জন প্ৰাথমিক শিক্ষকৰ কামৰ পৰা অপসাৰণৰ নিৰ্দেশ দিছিল । এই ৫৯ জন লোক তেওঁলোকৰ মাজৰে আছিল।
চাকৰি হেৰুওৱা কিছুমান ব্যক্তিসকলৰ আবেদনৰ পিছতে উচ্চতম ন্যায়ালয়ে নিৰ্দেশ দিছিল যে এই ২৬৯ জন ব্যক্তিৰ আবেদনৰ শুনানিৰ সুযোগ উচ্চ ন্যায়ালয়ে দিব লাগে।
শপতনামাৰ জৰিয়তে দাখিল কৰা লোক কেইজনৰ আবেদনত অসন্তুষ্ট হৈ ন্যায়াধীশ গঙ্গোপাধ্যায়ে বৃহস্পতিবাৰে প্ৰাথমিক বিদ্যালয়ৰ শিক্ষক হিচাপে কাম কৰি থকা ৫৯ জন লোকক বৰ্খাস্ত কৰাৰ নিৰ্দেশটো বাহাল ৰাখে। শীৰ্ষ ন্যায়ালয়ৰ নিৰ্দেশনা অনুসৰি, ২৬৯ জন ব্যক্তিৰ ভিতৰত, উচ্চ ন্যায়ালয়ে ইতিমধ্যে এনে ১৯২ জন প্ৰাথমিক বিদ্যালয়ৰ শিক্ষকক চাকৰিৰ পৰা বৰ্খাস্তৰ নিৰ্দেশ দিছিল।উল্লেখ্য ২৩ ডিচেম্বৰৰ আদেশত ৫৩ জনক চাকৰিৰ পৰা বৰ্খাস্ত কৰাটোবাহাল ৰখা হৈছিল আৰু ৪ জানুৱাৰীৰ আদেশত আন ১৪০ জনৰ চাকৰি হেৰুওৱাটো নিশ্চিত কৰা হৈছিল।
Continue Reading
