ডিজিটেল ডেস্কঃ এখন বিমান! বিমানখন মুম্বাই বিমানবন্দৰৰ পৰা মৰিচাছ অভিমুখে যাত্ৰা কৰাৰ কথা আছিল। কিন্তু তাৰ আগতে বিমানখনত যান্ত্ৰিক বিজুতি পোৱা গৈছিল। এয়াৰ কণ্ডিচনাৰ চলাচল নকৰাৰ বাবে যাত্ৰীসকলে উশাহ-নিশাহৰ সমস্যাত ভুগিবলৈ আৰম্ভ কৰে। যাত্ৰীসকলৰ ভিতৰত এজন ৭৮ বছৰীয়া যুৱক আৰু কেইবাটি শিশুও আছে। উশাহ-নিশাহৰ সমস্যাৰ বাবে তেওঁলোক অসুস্থ হৈ পৰে। শনিবাৰে পুৱা মুম্বাই বিমানবন্দৰত এই ঘটনা সংঘটিত হয়৷
এএনআইৰ তথ্য অনুসৰি এয়াৰ মৰিচাছৰ এম কে ৭৪৯ বিমানখন মুম্বাই বিমানবন্দৰৰ পৰা মৰিচাছলৈ পুৱা ৪:৩০ বজাত যাত্ৰা কৰাৰ কথা আছিল। ৩:৪৫ বজাত বিমানখনত উঠিবলৈ আৰম্ভ কৰে যাত্ৰীসকল। কিন্তু টেক অফ কৰাৰ কিছু সময়ৰ আগতে ইঞ্জিনৰ সমস্যাৰ সৃষ্টি হয়।বিমানখনৰ এয়াৰ কণ্ডিচনাৰসমূহো বন্ধ হৈ পৰে। বিমানখনত থকা ৭৮ বছৰীয়া এজন লোকে বন্ধ বতাহৰ বাবে উশাহ-নিশাহৰ সমস্যাত ভোগে।
এএনআইৰ সূত্ৰ অনুসৰি কোনো যাত্ৰীক বিমানখনৰ পৰা নামিবলৈ দিয়া হোৱা নাছিল। পাঁচ ঘণ্টা ধৰি বিমানখনত আবদ্ধ হৈ আছিল যাত্ৰী আৰু ক্ৰু সদস্যসকল। পাঁচ ঘণ্টাৰ পাছত বিমানখনৰ পৰা নামি আহিছিল যাত্ৰীসকলক। জানিব পৰা মতে সকলো যাত্ৰী সুৰক্ষিত। মৰিচাছলৈ যাবলৈ সংস্থাটোৱে আন এখন বিমানৰ ব্যৱস্থা কৰিছে বুলি সেই বিমানখনৰ এজন যাত্ৰীয়ে জানিবলৈ দিয়ে।
Continue Reading
