ডিজিটেল ডেস্কঃ ২০২২ বছৰটোৱে বিদায় ল’বলৈ আৰু কেইটামান দিনহে বাকী ৷ নতুন বছৰক আদৰিবলৈ কিমনৰ যে কিমান পৰিকল্পনা! সাধাৰণ জনতাৰ লগতে বলীউডৰ তাৰকাসকলেও বিভিন্ন উপায়েৰে নৱবৰ্ষক আদৰণি জনাবলৈ প্ৰস্তুত হৈছে৷ এনে সময়তে বিৰাট কোহলী আৰু অনুষ্কা শৰ্মাই বিমানত উঠি ক’ৰবালৈ গুচি গ’ল৷ তেওঁলোক ক’লৈ গ’ল তাকে ভাবি বিৰাট-অনুষ্কাৰ অনুৰাগীসকল চিন্তিত হৈ পৰিছে৷
একাংশৰ মতে বিৰাট কোহলী আৰু অনুষ্কা শৰ্মা ২০২৩ ক স্বাগতম জনোৱাৰ বাবে এক অজ্ঞাত স্থানলৈ গৈছে। দম্পতীহালক বুধবাৰে মাজনিশা বিমানবন্দৰত দেখা গৈছিল। বিৰাটে ডেনিমৰ সৈতে এটা বগা চুৱেটশ্বীট পিন্ধিছিল, অনুষ্কাই জিন্স আৰু স্লিং বেগৰ সৈতে এটা ক'লা টাৰ্টেলনেক চুৱেটাৰ টপ পিন্ধি আছিল৷এতিয়াও এয়া অজ্ঞাত হৈয়েই আছে যে দম্পতীহালে ক'ত অৱতৰণ কৰাৰ সিদ্ধান্ত লৈছে৷
তেওঁলোকে বিমানত উঠি ক’ৰৱালৈ যোৱাৰ ভিডিঅ'টোৱে তেওঁলোকৰ অনুৰাগীসকলক চিন্তাৰ মাজতে আনন্দিত কৰিও তুলিছে। কিছুদিন পূৰ্বে কেটৰিনা কাইফ আৰু বিকি কৌশলেও তেওঁলোকৰ নৱবৰ্ষ উদযাপনৰ বাবে সংবাদ মাধ্যমৰ অজ্ঞাত স্থানলৈ ৰাওনা হৈছিল। তেওঁলোকে হয়তো নিউয়ৰ্কলৈ যাত্ৰা কৰিছে বুলিও বহুতে মন্তব্য কৰিছে৷ নৱবৰ্ষ উদযাপনৰ বাবেই বিৰাট-অনুষ্কাই নিউয়ৰ্কলৈ যাব পাৰে বুলি বহুতে আলোচনা কৰা দেখা গৈছে৷
