ডিজিটেল ডেস্ক: মিত্ৰতাৰ নিয়ম নামানি অসম প্ৰদেশ কংগ্ৰেছ সমিতিয়ে প্ৰাৰ্থী তালিকা প্ৰকাশ কৰাক লৈ সৃষ্টি হৈছে প্ৰতিক্ৰিয়াৰ৷ নিৰ্বাচনৰ বাবে কংগ্ৰেছে আৰম্ভ কৰিছে তৎপৰতা৷
১৪টা সমষ্টিত ৭২ প্ৰাৰ্থীৰ পেনেল সাজু কৰিছে এপিচিচিয়ে৷ জীতেন্দ্ৰ সিঙৰ অধ্যক্ষতাত গুৱাহাটীত অনুষ্ঠিত জৰুৰী বৈঠকত প্ৰস্তুত কৰা হয় পেনেল৷ পেনেল লৈ দিল্লীলৈ উভতিল জীতেন্দ্ৰ সিং৷ কাজিৰঙাৰ এজনীয়া পেনেলত গৌৰৱ গগৈ৷ নগাঁৱৰ দুজনীয়া পেনেলত প্ৰদ্যুৎ বৰদলৈ, ৰকিবুল হুছেইন৷
লখিমপুৰৰ ৬জনীয়া পেনেলত ৰাণী নৰহ, ৰামান্না বৰুৱা, বন্দিতা পেগু ধুবুৰী, বৰপেটাত আব্দুল খালেকৰ নাম৷ দৰঙৰ ৫জনীয়া পেনেলত মাধৱ ৰাজবংশী, বংশী দাস৷ শোণিতপুৰত ৬জনীয়া পেনেলত পৱনসিং ঘাটোৱাৰ, আৰ পি শৰ্মা৷ লক্ষ্যণীয় বিষয়টো এয়ে যে ডিব্ৰুগড়ত প্ৰাৰ্থীৰ তালিকা প্ৰস্তুত কৰিছে কংগ্ৰেছে৷
বিপুল গগৈ আৰু প্ৰাক্তন বিধায়ক ডিব্ৰুগড়ৰ প্ৰাৰ্থিত্বপ্ৰত্যাশী৷ ডিব্ৰুগড় লোকসভা সমষ্টি অজাপক এৰি দিয়াৰ চৰ্চা চলিছিল৷ আনকি অসমত গঠন হোৱা বিৰোধী ঐক্যমঞ্চৰ সাধাৰণ সম্পাদক আছিল লুৰীণজ্যোতি গগৈ আৰু সভাপতি ভূপেন বৰা৷ কিন্তু, বিৰোধী ঐক্যমঞ্চত বিষয়টো আলোচনা নকৰাকৈ কংগ্ৰেছে ১৪টা সমষ্টিতে প্ৰাৰ্থিত্ব দিয়াক লৈ বিৰোধী ঐক্যত ফাট মেলাৰ সম্ভাৱনাই দেখা দিছে৷
বিষয়টোক লৈ আজি প্ৰতিক্ৰিয়া ব্যক্ত কৰে এপিচিচিৰ সভাপতি ভূপেন বৰাই৷ ভূপেন বৰাই কয়, কালি প্ৰকাশ কৰা তালিকাখন মই দেখা নাই৷ কিন্তু এটা কথা সত্য পলিটিকেল এফেয়াৰচ কমিটিৰ সভাত ৮৪জনীয়া প্ৰাৰ্থীৰ তালিকা আমি যুগুতাই দিছোঁ৷ প্ৰাৰ্থিত্বপ্ৰত্যাশীৰহে তালিকা৷ বাকী মিত্ৰজোঁটৰ চি পি আই আৰু ৰাইজৰ দলে প্ৰাৰ্থী লাগিব বুলি কৈছে যদিও লুৰীণজ্যোতি গগৈয়ে প্ৰাৰ্থিত্বৰ কথা পতা নাই৷ গৌৰৱ গগৈয়ে ব্যক্তিগতভাবে চিন্তা-চৰ্চা কৰি আছে, তেখেতে নিৰ্বাচন খেলিব৷ আমি মিত্ৰজোঁটৰ লগত আলোচনা কৰি চিট এৰি দিম৷
আনহাতে, কালি কংগ্ৰেছে তালিকা প্ৰকাশ কৰাৰ পাছতেই আজি পুৱা ছ’চিয়েল মিডিয়াত ভাইৰেল অজাপৰ এখন প্ৰাৰ্থী তালিকা৷ অৱশ্যে পৰৱৰ্তী সময়ত অজাপই এই তালিকাখন ভুৱা বুলি দলীয় স্থিতি স্পষ্ট কৰে ৷
Continue Reading
