ডিজিটেল ডেস্ক: দেশৰ কেইবাটাও বিৰোধী দলে ৰাম মন্দিৰৰ অভিষেক অনুষ্ঠান বৰ্জন কৰাৰ সময়তে প্ৰাক্তন ভাৰতীয় ক্ৰিকেটাৰ তথা আপৰ সাংসদ হৰভজন সিঙৰ ঘোষণা—
‘ঈশ্বৰক বিশ্বাস কৰা এগৰাকী ব্যক্তি হিচাপে মই সেই অনুষ্ঠানত উপস্থিত থাকিম৷’ শনিবাৰে হৰভজন সিঙে সংবাদ মাধ্যমক সম্বোধন কৰি কয় যে তেওঁ অযোধ্যাত ৰামলালাৰ প্ৰাণ প্ৰতিষ্ঠা অনুষ্ঠানত উপস্থিত থাকিব৷
বিৰোধী দলে এই অনুষ্ঠান বৰ্জন কৰা প্ৰসংগত তেওঁ কয়, সেই অনুষ্ঠানলৈ কোনে যাব বিচাৰে অথবা যাবলৈ নিবিচাৰে, সেয়া মোৰ বিচাৰ্য বিষয় নহয়৷ কিন্তু মই নিশ্চিতভাৱে যাম। যদি মই ৰাম মন্দিৰলৈ যোৱাত কাৰোবাৰ সমস্যা হয়, তেওঁলোকে যি বিচাৰে সেয়া কৰিব পাৰে৷
উল্লেখযোগ্য যে বিৰোধী দলসমূহে ২২ জানুৱাৰীৰ ৰাম মন্দিৰৰ উদ্বোধনী অনুষ্ঠান বৰ্জন কৰাৰ মাজতে হৰভজনে এই মন্তব্য কৰিছে৷ তেওঁ লগতে কয় যে বিজেপিয়ে অনুষ্ঠানটোক লৈ ৰাজনীতি কৰিছে৷
তেওঁ কয়, এই সময়ত এই মন্দিৰটো নিৰ্মাণ কৰাটো আমাৰ সৌভাগ্য, সেয়েহে আমি সকলোৱে তালৈ গৈ ভগৱান ৰামচন্দ্ৰৰ পৰা আশীৰ্বাদ লাভ কৰা উচিত।
Continue Reading
