ডিজিটেল ডেস্কঃ এজন ইংৰাজ বেটছমেনে লং অনত দৰ্শনীয় ছয় মাৰে। কিন্তু সেইবাবেই তেওঁ আউট হ’বলগা হ’ল। ইংলেণ্ডৰ কাউন্টি চেম্পিয়নশ্বিপত এনেকুৱা এটা আচৰিত কথা ঘটিল।
ৱাৰউইকশ্বাইৰে এডগবাষ্টনত মিডলছেক্সৰ বিৰুদ্ধে খেলিছিল। মিডলছেক্সৰ অধিনায়ক টবি ৰ’লেণ্ড-জোন্সে লং অনৰ ওপৰত বিপক্ষৰ পেচাৰক ছয়ৰ বাবে আঘাত কৰে। বল গেলেৰীলৈ উৰি গ’ল। ছয়টো মৰাৰ পিছত তেওঁ ফ’ল’ থ্ৰুত কিছু সময় বতাহত বেটখন একে ভংগীমাতে ধৰি ৰাখিছিল। ইয়াৰ পিছত দুৰ্যোগৰ সৃষ্টি হয়।
বেট নমোৱাৰ সময়ত তেওঁ বেটখন ষ্টাম্পত আঘাট কৰে। উইকেটকীপাৰে লক্ষ্য কৰিলে। তেওঁ লেগ আম্পায়াৰৰ ওচৰত হিট উইকেটৰ বাবে আবেদন জনায়। আম্পায়াৰেও কথাটো লক্ষ্য নকৰাকৈয়ে ছয় দিবলৈ ওলাইছিল। কিন্তু উইকেটকীপাৰৰ অনুৰোধত তেওঁ ৰৈ গ’ল। ইয়াৰ পিছত তৃতীয় আম্পায়াৰৰ ওচৰত আবেদন কৰা হয়।
ৰিপ্লেত দেখা যায় যে বেট নমোৱাৰ সময়ত ষ্টাম্পত খুন্দা মাৰিলে। ফলত আম্পায়াৰে জ’নছক আউট কৰি দিলে। স্তম্ভিত জ’নছ ড্ৰেছিং ৰুমলৈ উভতি আহে। আনকি বিপক্ষ ক্ৰিকেটাৰসকলেও ভাবিব পৰা নাছিল যে এনেদৰে কোনোবাই আউট হ’ব পাৰে।
শেহতীয়াকৈ ইংলেণ্ডৰ ক্ৰিকেটাৰসকলে অদ্ভুত ধৰণে আউট হৈ আহিছে। এছেছ ছিৰিজৰ দ্বিতীয়খন টেষ্টত লৰ্ডছত অদ্ভুত ধৰণে আউট হৈছিল জনী ব’ৰিষ্ট’। তাক লৈ চৰ্চা-বিতৰ্কও চলিছিল।
Continue Reading
