ডিজিটেল ডেস্কঃ সাপ বুলিলেই বহুতে সাত জাঁপ মাৰে। কিন্তু তেনে এবিধ অতি বিষাক্ত সাপৰ সৈতেই এটি শিশুৱে খেলি থকাৰ দৃশ্য এতিয়া ছ’চিয়েল মিডিয়াত ভাইৰেল হৈ পৰিছে। শিশুটিয়ে খেলি থকা সাপ বিধ পৃথিৱীৰ আটাইতকৈ বিষাক্ত সাপবোৰৰ ভিতৰৰে এবিধ। সেই ভয়ানক দৃশ্যৰ ভিডিঅ' ভাইৰেল হৈ পৰাৰ পিছতে বহুতে সেই দৃশ্য দেখি আচৰিত হৈ পৰিছে।
ভিডিঅ'টোত এটি শিশুক মাটিত বহি থকা দেখা গৈছে। চাৰিওফালে কোনো প্ৰাপ্তবয়স্ক লোক নাই।শিশুটোৰ কাষত এডাল ডাঙৰ বিষাক্ত সাপ দেখা গৈছে। সাপডালে শিশুটিৰ ফালে আগবাঢ়ি যোৱাৰ লগে লগে সিশুটোৱে তাৰ সৰু হাতেৰে সাপডালৰ মূৰটো ধৰাৰ চেষ্টা কৰিছে। আশ্চৰ্যজনকভাৱে সাপডালে শিশুটোৰ কোনো অনিষ্ট সাধন কৰাৰ চেষ্টা কৰা। নাই এই ভিডিঅ’ োইৰেল হৈ পৰাৰ পিছতে বহুতে ছ'চিয়েল মিডিয়াত ক্ষোভ প্ৰকাশ কৰিছে।
বহু নেটিজেনে শিশুটোৰ পিতৃ-মাতৃৰ দায়িত্ববোধৰ প্ৰসংগত প্ৰশ্ন উত্থাপন কৰিছে। নেটিজেনসকলে ইমান ডাঙৰ বিপদৰ সন্মুখীন হ’বলৈ কেনেকৈ এটা শিশুক এৰি দিয়া হৈছে সেই বিষয়ত উদ্বেগ প্ৰকাশ কৰিছে। অৱশ্যে, বহুতে দাবী কৰিছে যে সাপডালৰ হয়তো বিষদাঁত আঁতৰাই পেলোৱা হৈছিল। সেইকাৰণে কোনো বিপদ নাই বুলি জানিয়েই সাপডালক শিশুটিৰ সৈতে খেলিবলৈ দিয়া হৈছিল। কিন্তু বেছিভাগেই শিশুটোৰঅভিভাৱকক ধিক্কাৰ দিছে।
Continue Reading
