বিশ্বৰ আটাইতকৈ বয়োজ্যেষ্ঠা ভগ্নী, মুঠ বয়স ৩৮৯ বছৰ, তেওঁলোকৰ নাম অন্তৰ্ভুক্ত হৈছে গিনিজ বুকত

ডিজিটেল ডেস্ক : পৃথিৱীৰ প্ৰত্যেকজন লোকে দীঘলীয়া আয়ুস কামনা কৰে, কিন্তু এইটোও সত্য যে কোনে কিমানদিন জীয়াই থাকিব সেই কথা কোনেও নাজানে। কিন্তু এই সকলোবোৰৰ মাজতে বয়স আৰু অভিজ্ঞতাৰ ভিত্তিত পৃথিৱীত এতিয়াও জীৱিত আছে জনছন চিষ্টাৰছ অব আমেৰিকা, যিয়ে নিজৰ বয়সৰ ভিত্তিত গিনিজ বুক অব ৱৰ্ল্ড ৰেকৰ্ডত নিজৰ নাম পঞ্জীয়ন কৰিছে। এই চাৰিগৰাকী ভগ্নী পৃথিৱীৰ আটাইতকৈ বয়োজ্যেষ্ঠ ভগ্নী বুলি স্বীকৃতি লাভ কৰিছে।

 দৰাচলতে আমেৰিকাৰ কেলিফৰ্ণিয়াত বাস কৰা জনছন ভগ্নীহঁতৰ মুঠ বয়স ৩৮৯ বছৰ। এই জনছন ভগ্নীসকলে গিনিজ ৱৰ্ল্ড ৰেকৰ্ডত নিজৰ নাম পঞ্জীয়ন কৰিছে। পৃথিৱীৰ বয়োজ্যেষ্ঠা ভগ্নী বুলি চিহ্নিত হৈছে। খবৰ অনুসৰি পূৰ্বে গোবেল পৰিয়ালৰ ভাই-ভনীসকলৰ সংযুক্ত বয়সৰ অভিলেখ আছিল ৩৮৩ বছৰ, যাৰ অভিলেখ এতিয়া এই ভগ্নীসকলৰ নামতে অন্তৰ্ভুক্ত আছে।

 যদিও এই ভগ্নীসকলৰ ছবি প্ৰকাশ হোৱা নাই, কিন্তু এই ভগ্নীকেইগৰাকীৰ বয়স ৯২ বছৰৰ ওপৰত। চাৰিগৰাকী ভগ্নী একেলগে বয়স ৩৮৯ বছৰ ১৯৭ দিন। ইয়াৰে ভিতৰত আৰ্লোভেন জনছনৰ বয়স ১০১ বছৰ, মাৰ্চেন জনছনৰ বয়স ৯৯ বছৰ, ড’ৰিছ জনছনৰ বয়স ৯৬ বছৰ আৰু কনিষ্ঠ জুৱেল জনছনৰ বয়স ৯৩ বছৰ। আমেৰিকাৰ বিভিন্ন ঠাইত এই বয়োজ্যেষ্ঠা ভগ্নীসকলে বাস কৰে।

 খবৰ অনুসৰি এই আটাইকেইগৰাকী বয়োজ্যেষ্ঠা ভগ্নীয়ে গৰমৰ দিনত বা বন্ধৰ দিনত প্ৰতি বছৰে এবাৰ লগ হোৱাটো নিশ্চিত। যদিও তেওঁলোকেও ইজনে সিজনৰ লগত ফোনত কথা পাতি থাকে কাৰণ আজিও তেওঁলোকৰ মাজৰ সম্পৰ্ক অতি দৃঢ়।