ডিজিটেল ডেস্কঃ আকৌ এবাৰ কোভিডে বিশ্বৰ ক্ৰীড়া জগতত ত্ৰাসৰ সৃষ্টি কৰিছে। আকৌ ক্ৰিকেটত কোভিডৰ আশংকা বৃদ্ধি পাইছে। নিউজিলেণ্ডে টি-২০ৰ তিনিখন খেলত পাকিস্তানৰ বিৰুদ্ধে যুঁজিব। অৱশ্যে মিচেল চেণ্টনাৰে কোভিড-১৯ত আক্ৰান্ত হোৱা বাবে প্ৰথমখন মেচ খেলিব নোৱাৰিব। শুক্ৰবাৰে তেওঁ কৰোনাৰ দ্বাৰা সংক্ৰমিত হোৱাটো নিশ্চিত হয়। কোভিডত আক্ৰান্ত হোৱাৰ বাবেই তেওঁ পাকিস্তানৰ বিৰুদ্ধে খেলিব নোৱাৰিব।
আজিৰে পৰা আৰম্ভ হৈছে নিউজিলেণ্ড আৰু পাকিস্তানৰ মাজত পাঁচখন খেলৰ টি-২০ শৃংখলা। দুয়োটা দলে অকলেণ্ডত খেলিছে। খেলখনৰ পূৰ্বে নিউজিলেণ্ড ক্ৰিকেট বোৰ্ডে ছ'চিয়েল মিডিয়াত লিখিছে, "কোভিড-১৯ ভাইৰাছত আক্ৰান্ত হোৱাৰ ফলত চেণ্টনাৰে এই মেচখন খেলিব নোৱাৰিব। তেওঁ শুক্ৰবাৰে কোভিডত আক্ৰান্ত হৈছে।তেওঁ চিকিৎসকৰ তত্বাৱধানত থাকিব। হেমিল্টনত দ্বিতীয় খন খেল হ’ব। চেণ্টনাৰে অকলে তালৈ যাব, দলৰ সৈতে নহয়। "
উল্লেখ্য চেণ্টনাৰ নিউজিলেণ্ডৰ টি-২০ দলৰ অন্যতম গুৰুত্বপূৰ্ণ সদস্য। বাওঁহতীয়া স্পিনাৰগৰাকীয়ে ভাল বেটিঙো কৰিব পাৰে। তেওঁৰ স্থান লোৱা ঈশ ছোধি এতিয়া দলটোৰ একমাত্ৰ স্পিনাৰ। ক্ৰিকেট জগত স্বাভাৱিকতে চেণ্টনাৰ কৰোনাৰ দ্বাৰা সংক্ৰমিত হোৱাৰ বাবে চিন্তিত হৈ পৰিছে।
Continue Reading
