ডিজিটেল ডেস্ক: আজি বিশ্ব মহ দিৱস। যদি কোনো মহে মানুহক কামোৰে, তেন্তে তাৰ কামোৰত মেলেৰিয়া, ডেংগু, ফাইলেৰিয়াছিছ, জাপানীজ এনকেফেলাইটিছৰ দৰে বিপজ্জনক ৰোগ সৃষ্টি হয়। কেতিয়াবা এনে ক্ষেত্ৰত পৰিস্থিতি বেয়া হ’লে মানুহজনৰো মৃত্যু হয়। মহৰ বিপদৰ বিষয়ে সতৰ্ক কৰি দি মানুহক সজাগ কৰাৰ উদ্দেশ্যে এই দিৱস উদযাপন কৰা হয়।
মন কৰিবলগীয়া যে প্ৰতি বছৰে ২০ আগষ্টত মহৰ পৰা হাত সাৰিবলৈ বিশ্ব মহ দিৱস পালন কৰা হয়। জনসাধাৰণৰ মাজত সজাগতা বিয়পোৱাৰ বাবেও আজিৰ দিনটোত বহুতো অনুষ্ঠানৰ আয়োজন কৰা হয়। একে সময়তে এইবাৰো স্বাস্থ্য বিভাগে আজিৰ দিনটোত বিভিন্ন কাৰ্যসূচীৰ আয়োজন কৰিব।
মহে প্ৰায় সকলোকে কামোৰে। কিন্তু কিছুমানে অলপ বেছিকৈ কামোৰে! কাৰণটো জানেনে? আচলতে মহে কি আক্ৰমণ কৰিব তাৰ বহুখিনি নিৰ্ভৰ কৰে আপুনি কি ৰঙৰ কাপোৰ পিন্ধিছে তাৰ ওপৰত! আশ্চৰ্যজনকভাৱে শেহতীয়াকৈ কৰা এক অধ্যয়নত এনে তথ্যৰ উন্মেষ ঘটিছে।
ৱাশ্বিংটন বিশ্ববিদ্যালয়ৰ গৱেষকৰ এটা দলে এই তথ্য প্ৰকাশ কৰিছে নেচাৰ কমিউনিকেচন নামৰ বৈজ্ঞানিক আলোচনীত প্ৰকাশিত এক গৱেষণা পত্ৰত।
এডিছ( Aedes) মহ প্ৰথমে মানুহৰ শৰীৰৰ পৰা নিৰ্গত হোৱা কাৰ্বন ডাই অক্সাইডৰ প্ৰতি আকৰ্ষিত হয়। তাৰ পিছত কাৰ্বন ডাই অক্সাইড নিৰ্গত হোৱাৰ উৎস আৰু ইয়াৰ ৰংৰ ওপৰত ভিত্তি কৰি মহে আক্ৰমণ কৰে।
গৱেষকৰ মতে ৰঙা, কমলা, ক’লা ৰঙৰ প্ৰতি মহৰ আকৰ্ষণ বেছি হয়। তদুপৰি সেউজীয়া, বেঙুনীয়া, নীলা আৰু বগা ৰং দেখিলে মহে পলাই যায়। অৰ্থাৎ মহে এই ৰংবোৰ একেবাৰে ভাল নাপায়।
তাৰ আগতে বিজ্ঞানীসকলৰ এটা ধাৰণা আছিল যে মহে প্ৰধানকৈ তিনিটা কাৰকৰ ওপৰত ভিত্তি কৰি আক্ৰমণ কৰে। উশাহ এৰি দিয়া কাৰ্বন ডাই অক্সাইড, ঘাম আৰু শৰীৰৰ তাপ। অৱশ্যে এই তালিকাত চতুৰ্থ সংখ্যাটো সংযোজন কৰা হৈছে।
গৱেষণাৰ পৰা আৰু অধিক প্ৰকাশ পাইছে। গাঢ় ৰঙা নহ’লেও ছালৰ ৰঙা ৰঙৰ ৰংটোৰ প্ৰতি মহ আকৰ্ষিত হয়। গতিকে মহে ভাল নোপোৱা ৰঙৰ কাপোৰ পিন্ধি মহৰ কামোৰৰ পৰা হাত সাৰিব পাৰি।
Continue Reading
