ডিজিটেল ডেস্কঃ আমেৰিকা চৰকাৰৰ অনুমোদন লাভ কৰিছে বিশ্বৰ প্ৰথমখন উৰণীয়া গাড়ীৰ আৰ্হিয়ে৷কেলিফৰ্ণিয়াস্থিত কোম্পানী আলেফ এৰ’নটিক্সে ঘোষণা কৰিছে যে তেওঁলোকৰ ইলেক্ট্ৰিক ভাৰ্টিকেল টেক অফ এণ্ড লেণ্ডিং বাহন মডেল এ ফ্লাইং কাৰখনে আকাশলৈ যাবলৈ আমেৰিকা চৰকাৰৰ পৰা আইনী অনুমোদন লাভ কৰিছে।
২০২২ চনৰ অক্টোবৰ মাহত উন্মোচন কৰা আলেফ মডেল এনে এখন গাড়ী যাক ৰাজহুৱা পথত চলাব পাৰি আৰু ইয়াৰ উলম্ব উৰণ আৰু অৱতৰণ ক্ষমতা আছে বুলি দাবী কৰা হৈছে। ইয়াৰ ড্ৰাইভিং ৰেঞ্জ ২০০ মাইল (৩২২ কিলোমিটাৰ) আৰু ফ্লাইং ৰেঞ্জ ১১০ মাইল (১৭৭ কিলোমিটাৰ) একক সম্পূৰ্ণ চাৰ্জত, ইয়াত এজনৰ পৰা দুজন লোক থাকে।
মডেল এ ফ্লাইং গাড়ীৰ মূল্য ৩ লাখ মাৰ্কিন ডলাৰ (২.৪৬ কোটি টকা)ৰ পৰা আৰম্ভ হয়। ইলেক্ট্ৰিক মডেলটো আলেফৰ ৱেবছাইটৰ জৰিয়তে ১৫০ মাৰ্কিন ডলাৰ (১২,৩০৮ টকা) টোকেন পৰিমাণত প্ৰি-অৰ্ডাৰ কৰিব পাৰিব। প্ৰাইমাৰিটি বুকিং ১৫০০ মাৰ্কিন ডলাৰ (১.২৩ লাখ টকা)ত গ্ৰহণ কৰা হৈছে।
Continue Reading
