ডিজিটেল ডেস্কঃ টেষ্ট এটলাছৰ তথ্য অনুসৰি ২০২২ চনৰ শ্ৰেষ্ঠ খাদ্যৰ তালিকাত বিশ্বৰ ভিতৰত ভাৰতৰ স্থান পঞ্চম। উপাদান, ব্যঞ্জন আৰু পানীয়ৰ বাবে দৰ্শকৰ ভোটৰ ওপৰত ভিত্তি কৰি এই ৰেংকিং কৰা হয়। ইটালীৰ খাদ্যই প্ৰথম স্থান লাভ কৰে। দ্বিতীয় স্থানত গ্ৰীচ, তৃতীয় স্থানত স্পেইন আৰু চতুৰ্থ স্থানত আছে জাপান। এই ৰেটিঙত ভাৰতে ৪.৫৪ পইণ্ট লাভ কৰি পঞ্চম স্থানত আছে।
দেশৰ সৰ্বোত্তম ৰেটিং পোৱা খাদ্যসমূহৰ ভিতৰত আছে গৰম মছলা, মালাই, ঘী, মাখন, গাৰ্লিক নান, কিমা। এই তালিকাত মুঠ ৪৬০ টা বস্তু আছে। ৫০খন দেশক লৈ এই তালিকাখন প্ৰস্তুত কৰা হৈছিল।
লগতে তালিকা অনুসৰি শ্ৰী ঠাকৰ ভোজনালয় (মুম্বাই), কাৰাভাল্লী (বেংগালুৰু), বুখাৰা (নতুন দিল্লী), ডুম পুখ্ত (নতুন দিল্লী), ক’ম’ৰিন আদিয়ে (গুৰুগ্ৰাম) ভাৰতীয় খাদ্য ৰেচিপিত শ্ৰেষ্ঠ ৰেষ্টুৰেণ্টৰ খিতাপ লাভ কৰিছে।
বিশ্বৰ শ্ৰেষ্ঠ খাদ্যৰ তালিকাখন
আমেৰিকা, তুৰস্ক, ফ্ৰান্স আৰু পেৰুৱেও শীৰ্ষ ১০ খন দেশৰ ভিতৰত স্থান লাভ কৰিছে।বিশ্বৰ শ্ৰেষ্ঠ খাদ্য তালিকাত ১১ নম্বৰ স্থানত আছে চীন।
ভাৰতীয় খাদ্যই বিশ্বৰ ভিতৰতে শীৰ্ষ ৫-ত স্থান লাভ কৰাত উৎফুল্লিত হৈ পৰিছে ভাৰতীয় লোকসকল।
এই তালিকা প্ৰকাশ হোৱাৰ পাছত ৰেষ্টুৰেণ্টলৈ গৈ চাইনীজ খাদ্য বিচৰাসকলেও ভাৰতীয় খাদ্য বিচাৰিবলৈ ধৰিছে।
Continue Reading
