ডিজিটেল ডেস্কঃ দেওবাৰে পুৱাই সামাজিক মাধ্যমত প্ৰাক্তন প্ৰধানমন্ত্ৰী অটল বিহাৰী বাজপেয়ীৰ কিছুমান ছৱি ভাইৰেল হৈ পৰে। আগতে কাহানিও নেদেখা ছৱিসমূহ দেখি সকলো আচৰিত হৈ পৰে। ভালকৈ চাই দেখে যে এয়াতো বাজপেয়ী নহয়। তেন্তে বাজপেয়ীৰ দৰেই এয়া কোন?
আচলতে বাজপেয়ী নহয়, সেয়া অভিনেতা পংকজ ত্ৰিপাঠীহে। ভাৰতৰ প্ৰাক্তন প্রধানমন্ত্ৰীগৰাকীৰ জন্মদিন উপলক্ষে তেওঁ এই গেট আপ আৰু লুকত সামাজিক মাধ্যমত ধৰা দিয়ে।
পূৰ্বে ঘোষিত হৈছিল যে 'মেঁ অটল হুঁ’ নামেৰে বাজপেয়ীৰ এখনি বায়’পিক নিৰ্মা্ণ কৰা হ’ব। তাত 'মিৰ্জাপুৰ’ৰ কালিন ভায়াই বাজপেয়ীৰ ৰূপত অৱতীৰ্ণ হ’ব। দেওবাৰে বাজপেয়ীৰ ৯৭ সংখ্যক জন্মদিনতে বাজেপেয়ীৰ চৰিত্ৰত ত্ৰিপাঠিৰ ফাৰ্ষ্ট লুকটো প্ৰকাশ কৰে ছৱিৰ নিৰ্মাতাই।
ইনষ্টাগ্ৰামত বাজপেয়ীৰ লুকত কেইবাখনো ফটো শ্বেয়াৰ কৰে ত্ৰিপাঠিয়ে। বাজপেয়ীৰ এখন ফটোত লিখা আছে- প্রধানমন্ত্ৰী। আন এখনত লিখা আছে- কবি। দুয়োখন ছৱিতে বাজপেয়ীক কূটনীতিক আৰু ভদ্ৰলোক হিচাপে উল্লেখ কৰা হৈছে।
''মই জানো অটলজীৰ ব্যক্তিত্বক পৰ্দাত বাস্তৱায়িত কৰি তুলিবলৈ মোৰ অত্যন্ত পৰিশ্ৰম কৰিবলৈ প্ৰয়োজন হ’ব। উদ্যম আৰু মনৰ জোৰতে মই চৰিত্ৰটোৰ প্ৰতি সুবিচাৰ কৰিব পাৰিম বুলি বিশ্বাস কৰিছে।’’- ত্ৰিপাঠিয়ে ইনষ্টাগ্ৰামত এইদৰে লিখিছে।
উল্লেখ্য যে নেচনেল এৱাৰ্ড বিজয়ী পৰিচালক ৰবি যাদৱৰ ছৱিখনে ২০২৩ চনৰ ২৫ ডিচেম্বৰত মুক্তি লাভ কৰাৰ কথা। সেইদিনাখনেই বাজপেয়ীৰ জন্মদিনো। ছৱিখনক লৈ ইতিমধ্যেি বাজপেয়ীৰ গুণমুগ্ধসকলৰ মনত ব্যাপক উচ্ছাহ দেখা গৈছে। তেওঁলোকে অভিনেতা ত্ৰিপাঠিকো শুভকামনা জনাইছে।
Continue Reading
