ডিজিটেল ডেস্কঃ আৰম্ভণি সুন্দৰ নহ’লেও বিশ্ব টেষ্ট চেম্পিয়নশ্বিপৰ প্ৰথম দিনা সন্তোষজনক স্থিতিত উপনিত হৈছে অষ্ট্ৰেলিয়া। প্রথম দিনৰ খেলা শেষ হ’বলৈ বেছি সময় নাই। বাতৰি লিখাৰ পৰলৈকে অষ্ট্ৰেলিয়াই ৮০ অভাৰত ৩টা উইকেট হেৰুৱাই ৩০১ ৰাণ সংগ্ৰহ কৰিছে।
কেংগাৰু বাহিনীৰ এই স্থিতিৰ মূলতে হ’ল মিডল অৰ্ডাৰ বেটাৰদ্বয় ট্ৰেভিছ হেড আৰু স্টিভ স্মিথৰ দূৰ্দান্ত বেটিং। ১০৬ টা বলতে হেডে শতৰাণ অৰ্জন কৰে। মাৰমুখী হেডক সুন্দৰ সহযোগিতা আগবঢ়ায় স্মিথেও মন্থৰ গতিৰে শতৰাণৰ দিশলৈ অগ্ৰসৰ হৈছে।
দ্যা অভেলত হোৱা এই মেচখনৰ সেউজ পিটচলৈ লক্ষ্য ৰাখি টীম ইণ্ডিয়াৰ অধিনায়ক ৰোহিত শৰ্মাই টছত জিকি বলিং কৰাৰ সিদ্ধান্ত লয়। খেলপথাৰ আৰু পৰিৱেশলৈ চাই ভাৰতে চাৰিজন পেচাৰ খেলাৰ সিদ্ধান্ত লয়। ৰবিচন্দ্ৰন অশ্বিন আউট। দলৰ একমাত্ৰ স্পিনাৰ ৰবীন্দ্ৰ জাডেজা। শ্ৰীকৰ ভাৰতে উইকেটৰ ৰক্ষক হিচাপে খেলি আছে।
আৰম্ভণিতেই দূৰ্দান্ত সফলতা লাভ কৰে মহম্মদ ছিৰাজে। শূণ্য ৰাণতে আউট কৰে অপেনাৰ ওছমান খাৱাজাক। ব্যৰ্থ হয় মাৰনাছ লাবুচানেও। মহম্মদৰ ছামীৰ বলত ২৬ ৰাণ কৰি আউট হয় তেওঁ। লাবুচানেৰ পাছত ছাৰদুল ঠাকুৰৰ বলত আউট হয় অপেনাৰ ডেভিড ৱাৰ্ণাৰ। ৱাৰ্ণাৰে ৪৩ ৰাণৰ বৰঙণি যোগায়।
কিন্তু ট্ৰেভিছ হেড আৰু স্টিভ স্মিথে ক্ৰিজলৈ অহাৰ পাছতে সকলো সলনি হৈ যায়। দীৰ্ঘসময় ধৰি মিডল অৰ্ডাৰৰ যুঁটিটো ভাঙিবলৈ চেষ্টা কৰি আছে টীম ইণ্ডিয়াৰ বেগী বলাৰসকলে।
Continue Reading
