ডিজিটেল ডেস্কঃ উভটি আহিল আজিংক্য ৰাহানে। পুনৰ দেখা যাব টীম ইণ্ডিয়াৰ বেটিং অৰ্ডাৰত ৰাহানে আৰু পুজাৰাৰ যুঁটি। অষ্ট্ৰেলিয়াৰ বিৰুদ্ধে বিশ্ব টেষ্ট চেম্পিয়নশ্বিপৰ ফাইনেলৰ বাবে টিম ইণ্ডিয়াৰ ১৫ জনীয়া দলত সুযোগ লাভ কৰিছে ৩৪ বছৰীয়া ৰাহানে।
ৰাহানে প্ৰায় ১৫ মাহৰ পিছত পুনৰ ৰাষ্ট্ৰীয় দললৈ উভতি আহিছে। যোৱা বছৰৰ জানুৱাৰী মাহত তেওঁ শেষবাৰৰ বাবে দেশৰ হৈ টেষ্ট খেলিছিল। এই পৰ্যন্ত দেশৰ হৈ ৮২ খন টেষ্ট খেলিছে ৰাহানেই।
সম্প্ৰতি আই পি এলত চেন্নাইৰ হৈ খেলি আছে ৰাহানেই। ইতিমধ্যে তেওঁ কেইবাটাও বিস্ফোৰক ইনিংছ খেলিছে। ইডেনত কেকেআৰৰ বিৰুদ্ধে ৰাহানেৰ ইনিংছটো আছিল একেবাৰে অভাৱনীয়।
ইপিনে, আঘাতৰ বাবে খেলিব নোৱাৰে শ্ৰেয়াছ আয়েৰে। মিডল অৰ্ডাৰত এজন নিৰ্ভৰযোগ্য বেটছমেনৰ প্ৰয়োজন আছিল। ইয়াৰ পিছতে বৰ্ডাৰ–গাভাস্কাৰ ট্ৰফীত ব্যৰ্থ হয় সূৰ্যকুমাৰ যাদৱ। নিৰ্বাচকসকলে তেওঁক ফাইনেলৰ দলটোত ৰখাও নাই।
সম্পূৰ্ণ দলটোঃ ৰোহিত শৰ্মা (অধিনায়ক), শুবমান গিল, চেতেশ্বৰ পূজাৰা, বিৰাট কোহলী, অজিংক্য ৰাহানে, কে এল ৰাহুল, কে এছ ভাৰত (উইকেট কীপাৰ), ৰবিচন্দ্ৰন অশ্বিন, ৰবিন্দ্ৰ জাদেজা, অক্ষৰ পেটেল, শাৰদুল ঠাকুৰ, ম. ছামি, মহম্মদ ছিৰাজ, উমেশ যাদৱ, জয়দেৱ উনাদকত।
