ডিজিটেল ডেস্কঃ নিঃসন্দেহে বিৰাট কোহলী বৰ্তমান সময়ৰ অন্যতম শ্ৰেষ্ঠ ক্ৰিকেট তাৰকা। যাদুকৰী বেটিঙেৰে কিং কোহলীয়ে মোহিত কৰি আহিছে কিং কোহলী। অগণন ক্ৰিকেট ফেনৰ প্ৰিয় ক্ৰিকেটাৰ কিং কোহলী। কিন্তু কোহলীৰ প্ৰিয় ক্ৰিকেটাৰ কোন?
ইতিমধ্যে বহু সাক্ষাৎকাৰত কোহলীয়ে শচীন টেণ্ডুলকাৰ, মহেন্দ্ৰ সিং ধোনী, এ বি ডি ভিলিয়াৰ্ছৰ প্ৰতি শ্ৰদ্ধা প্ৰদৰ্শন কৰি আহিছে। দক্ষিণ আফ্ৰিকাৰ লিজেণ্ড হাৰ্চেল গিবছৰো অনুৰাগী কোহলী। কিন্তু এইসমূহ ক্ৰিকেটাৰে বৰ্তমান সক্ৰিয় ৰূপত নাই। তেনেস্থলত বৰ্তমান সময়ত খেলি থকা কোনজন ক্ৰিকেটাৰৰ খেল ভাল পায় কোহলীয়ে?
শেহতীয়াকৈ ষ্টাৰ স্পৰ্টছক কোহলীয়ে জনায় যে সমসাময়িক খেলুৱৈৰ ভিতৰত বেন ষ্ট’কছক ভাল পায় তেওঁ। কহলীয়ে কয়- ''বন ষ্ট’কছ এই সময়ৰ মোৰ প্ৰিয় ক্ৰিকেটাৰ।’’
উল্লেখ্য যে ইংলেণ্ডৰ ক্ৰিকেটত জোৱাৰ অনা অন্যতম খেলুৱৈ হৈছে বেন ষ্ট’কছ। আইপিএলত চেন্নাই ছুপাৰ কিংছৰ হৈ খেলা ষ্ট’কছ বৰ্তমান ইংলেণ্ড টেষ্ট টীমৰ কেপ্টেইন। ষ্ট’কছৰ অধিনায়কত্বতে ইংলেণ্ডে শেহতীয়া এচেজ শৃংখলা ড্ৰ’ কৰিবলৈ সক্ষম হৈছিল। তদুপৰি ২০১৯ চনৰ এদিনীয়া বিশ্বকাপ আৰু ২০২২ চনৰ টি২০ বিশ্বকাপত ইংলেণ্ডৰ বিজয়তো অনবদ্য বৰঙণি আগবঢ়াইছিল অলৰাউণ্ডাৰজনে।
ষ্ট’কছে এতিয়ালৈকে ৯৭ খন টেষ্ট খেলি ৬,১১৭ ৰাণ আৰু ১৯৭ টা উইকেট দখল কৰিছে। ১০৫খন এদিনীয়াত সংগ্ৰহ কৰিছে ২,৯২৪ ৰাণ আৰু ৭৪ টা উইকেট। ৪৩ খন টি২০ মেচত সংগ্ৰহ কৰিছে ৫৮৫ ৰাণ আৰু ২৬ টা উইকেট।
Continue Reading
