ডিজিটেল ডেস্কঃ বিশ্বৰ আগত পুনৰ লজ্জিত হ’ল পাকিস্তান ক্ৰিকেট ব’ৰ্ড। দৰাচলতে এইবাৰ লাহোৰৰ গাদ্দাফি ষ্টেডিয়ামত স্থাপন কৰা ফ্লাডলাইটে পিচিবিৰ প্ৰতি অপযশ কঢ়িয়াই আনিছে। ঘটনা লাহোৰৰ গাদ্দাফি ষ্টেডিয়ামত অনুষ্ঠিত হোৱা পাকিস্তান আৰু বাংলাদেশৰ মাজৰ খেলখনৰ। কিন্তু এই মেচৰ সময়ত ষ্টেডিয়ামৰ লাইট নুমাই গ’ল। ইয়াৰ পাছতে মেচখন বন্ধ কৰিব লগা হ’ল।এতিয়া ছ’চিয়েল মিডিয়াত অনুৰাগীয়ে অহৰহ ঠাট্টা কৰিছে পাকিস্তান ক্ৰিকেট ব’ৰ্ডক।
এই ঘটনা সংঘটিত হৈছে পাকিস্তানী ইনিংছৰ ষষ্ঠ অভাৰত। পাকিস্তানৰ অধিনায়ক বাবৰ আজম আৰু অ’পেনাৰ ইমাম উল হক ক্ৰীজত আছিল। কিন্তু ফ্লাডলাইটৰ বিজুতিৰ বাবে মেচখন বন্ধ কৰিব লগা হয়। অৱশ্যে কিছু সময়ৰ পাছত পুনৰ প্ৰতিযোগিতা আৰম্ভ হয়। কিন্তু লাইভ মেচৰ সময়ত ষ্টেডিয়ামত লাইট বিকল হৈ পৰাত পাকিস্তান ক্ৰিকেটত এক বৃহৎ সমস্যাৰ সন্মুখীন হৈছে। অৱশ্যে ছ’চিয়েল মিডিয়াত ফটো আৰু ভিডিঅ’ ক্ৰমান্বয়ে ভাইৰেল হৈ পৰিছে। ইয়াৰ উপৰিও ছ’চিয়েল মিডিয়া ব্যৱহাৰকাৰীসকলে ধাৰাবাহিকভাৱে মন্তব্য কৰি নিজৰ মতামত দি আছে।
আনহাতে পাকিস্তান-বাংলাদেশৰ মেচৰ কথা উল্লেখ কৰিবলৈ গ’লে বাবৰ আজম নেতৃত্বাধীন পাকিস্তানে জয়ী হ’বলৈ ১৯৪ ৰানৰ লক্ষ্য দিছে৷
Continue Reading
