ডিজিটেল ডেস্কঃ ক্রিষ্টিয়ানো ৰোনাল্ডোৱে এটা কোম্পানীত লাই ডিটেক্টৰ টেষ্ট দিছিল৷ তেওঁক সোধা-পোছা কৰা হয়। ৰোনাল্ডোক "হয়" বা "নহয়" বুলি উত্তৰ দিবলৈ কোৱা হৈছে। আৰু মেচিনৰ কাম আছিল ৰোনাল্ডোৱে সঁচা কথা কৈছে নে নাই কোৱা সেয়া ধৰা পেলোৱা। ৰোনাল্ডোক সোধা হৈছিল যে তেওঁ সৰ্বকালৰ শ্ৰেষ্ঠ গ’লদাতা হয় নে? "হয়"- ৰোনাল্ডোৱে উত্তৰ দিলে। যন্ত্ৰটোৱে দেখুৱাইছে যে ৰোনাল্ডোৱে সঁচা কথা কৈছে।
ৰোনাল্ডোক আন বিভিন্ন প্ৰশ্ন সোধা হৈছিল। ইয়াৰ ভিতৰত আছিল ৰোনাল্ডোৱে পৰ্তুগালে বিশ্বকাপ জয় কৰিব বুলি বিশ্বাস কৰে নে নকৰে। পৰ্তুগালৰ অধিনায়কগৰাকীয়ে হয় বুলি উত্তৰ দিলে। কিন্তু মিছা ধৰা পেলোৱা জনে কয় যে ৰোনাল্ডোৱে সঁচা কথা কোৱা নাই। ৰোনাল্ডোৱে ক’লে, “কি ভীষণ নৈৰাশ্যবাদী!”
ৰোনাল্ডোক সোধা হৈছিল যে শোঁওতে তেওঁ নাকৰ শব্দ কৰে নেকি? আল নাছেৰৰ ফুটবলাৰজনে কয়, “নাই।’’ কিন্তু মিছা ধৰা পেলোৱা যন্ত্ৰটোৱে দেখুৱাইছে যে এইটোও সঁচা নহয়।
আন্তঃৰাষ্ট্ৰীয় ফুটবলত পৰ্তুগালৰ হৈ ১২৩টা গ’ল দিছিল ৰোনাল্ডোৱে। তেওঁ এতিয়ালৈকে স্প’ৰ্টিং ক্লাব ডি পৰ্তুগাল, মানচেষ্টাৰ ইউনাইটেড, ৰিয়েল মাদ্রিদ, জুভেন্টাছ আৰু আল নাছেৰৰ হৈ ৭২৭টা গ’ল দিছে৷ মুঠতে ৮৫০টা গ’ল কৰিছে ৰোনাল্ডোৱে।
Continue Reading
