ডিজিটেল ডেস্কঃ বকৰিদৰ কুৰবানি উপলক্ষে চাৰি কোটি টকাৰ ষাঁড় ক্ৰয় কৰিলে পাকিস্তানৰ প্ৰাক্তন ক্ৰিকেটাৰ শ্বাহিদ আফ্ৰিদিয়ে। সেই লৈ পুনৰবাৰ তীব্ৰ সমালোচনাৰ সন্মুখীন হৈছে তাৰকাগৰাকী। অনেকে ইয়াক জীৱ-জন্তুৰ প্ৰতি নিষ্ঠুৰতা বুলি অভিহিত কৰিছে।
ইনষ্টাগ্ৰাম আফ্ৰিদিয়ে শ্বেয়াৰ কৰা এটা ভিডিঅ’ত ষাঁড়টোৰ সৈতে দেখা গৈছে তেওঁক। ষাঁড়টোৰ স’তে খোজ কাঢ়ি যোৱা দেখা গৈছে তেওঁক। ষাঁড়টো বিৰল জাতৰ।
শ্বাহিদ আফ্ৰিদিৰ ভিডিঅ’টো লক্ষ্য কৰি অনেকে মন্তব্য কৰিছে যে ইয়াৰ দ্বাৰা জীৱ-জন্তুৰ প্ৰতি নিষ্ঠুৰতা প্ৰদৰ্শন কৰা হৈছে। তদুপৰি পাকিস্তানৰ বৰ্ধিত ঋণগ্ৰস্ততাৰ সময়ত চাৰি কোটি টকাৰ ষাঁড় কৰাটো কিমান সমিচীন সেই প্ৰশ্ন কৰিছে।
উল্লেখ্য যে ইয়াৰ আগতেও মে’ মাহত আফ্ৰিদীয়ে তেওঁৰ ফাউণ্ডেশ্যনৰ পৰাই বিশ্বৰ আটাইতকৈ ডাঙৰ ষাড়টো বলিদানৰ বাবে দান কৰিছিল, তেতিয়াও ছ’চিয়েল মিডিয়াত অনেকে প্ৰতিক্ৰিয়া প্ৰকাশ কৰিছিল।
Continue Reading
