ডিজিটেল ডেস্কঃ আৰ্জেণ্টিনাত দাহ কৰা হ’ল কিলিয়ান এমবাপেৰ প্ৰতিমূৰ্তি! বিশ্বকাপ জয়ৰ পাছতে উন্মাদনাৰ শীৰ্ষলৈ গৈছে আৰ্জেণ্টিনাৰ জনতা। দেশখনত এতিয়া উৎসৱ। আনকি কিছুৱে ফ্ৰান্সৰ তাৰকা এমবাপেৰ প্ৰতিমূৰ্তিও দাহ কৰা দেখা গ’ল।
সামাজিক মাধ্যমত ভাইৰেল হৈ পৰা এটা ভিডিঅ’ত দেখা গৈছে যে এডাল লাঠিত কফিনৰ ঢাকোন থোৱা হৈছে, তাৰ ওপৰত এমবাপেৰ মুখৰ এখন ছৱি। তাৰপাছতে ইয়াক জ্বলাই দিয়া হৈছে। আশে পাশে থকা সকলো লোকেই এমবাপেৰ বিৰুদ্ধে শ্লোগান দি নৃত্য কৰিবলৈ ধৰিছে।
উল্লেখ্য যে আৰ্জেণ্টিনাৰ বিৰুদ্ধে ফ্ৰান্সৰ এমবাপেই ফাইনেলত দূৰ্দান্ত প্ৰদৰ্শন কৰিছিল। তৰুণ তাৰকাগৰাকীয়ে হেট্ৰিক অৰ্জন কৰি ফ্ৰান্সক যুঁজলৈ ঘূৰাই আনিছিল। আৰ্জেণ্টিনাৰ বাবে কঠিন হৈ পৰিছিল এমবাপেক নিয়ন্ত্ৰণ কৰিবলৈ।
কিন্তু এমবাপেৰ কিছু আচৰণে ক্ষুব্ধ কৰে আৰ্জেণ্টিনাৰ খেলুৱৈসকলক। খেল শেষ হোৱাৰ পাছতে আৰ্জেণ্টাইন গ’লকীপাৰ এমিলিয়ান’ মাৰ্টিনেজে এমবাপেৰ প্ৰতি তীব্ৰ ইতিকিংসূচক ভাষ্য প্ৰদান কৰে।
Continue Reading
