ডিজিটেল ডেস্কঃ কাটাৰলৈ এতিয়া অগণন ফুটবলপ্ৰেমীৰ সোঁত বৈছে। আহিছে প্ৰাক্তন তাৰকা ফুটবলাৰসকলো। ইয়াৰ ভিতৰত অন্যতম হৈছে এসময়ৰ গ্লেমাৰাছ ফুটবলাৰ ডেভিড বেকহাম।
জানিব পৰা মতে, বিশ্বকাপৰ এক সপ্তাহ পূৰ্বেই কাটাৰত আহি উপস্থিত হৈছিল ইংলেণ্ডৰ প্ৰাক্তন অধিনায়কগৰাকী। ৰাজধানী দোহাৰ এখন বিলাসবহুল হোটেলত তেওঁ বাহৰ পাতিছে। হোটেলখনত প্ৰতি ৰাতিৰ ভাড়া হিচাপে তেওঁ দিব লগা হৈছে ২০ হাজাৰ পাউণ্ড, ভাৰতীয় মূল্যত ২০ লাখ টকা।
বিলাসবহুল হোটেলখনত বেকহামক অতিথি হিচাপে লাভ কৰি উল্লাস প্ৰকাশ কৰিছে হোটেলখনৰ কৰ্মীসকলে। এগৰাকী কৰ্মীয়ে কৈছে যে ডেভিড বেকহামৰ দৰে এগৰাকী ফুটবলাৰক সেৱা আগবঢ়াই তেওঁ বিৰাট সুখ অনুভৱ কৰিছে।
''বেকহামে অত্যন্ত নম্ৰ ব্যৱহাৰ কৰিছে আমাৰ স’তে। মাজ মাজে ধেমালিও কৰিছে।’’- কৰ্মীগৰাকীয়ে কয়।
হোটেলৰ কোঠাৰ পৰা বেকহামে কেৱল বিশ্বকাপৰ মেচসমূহ চাবলৈহে বাহিৰ হৈছে। বাকীখিনি সময় তেওঁ হোটেলতে সোমাই আছে। সাংবাদিকৰ পৰাও দূৰত আছে মানচেষ্টাৰ ইউনাইটেডৰ প্ৰাক্তন তাৰকাগৰাকী। হোটেলৰ ৰান্ধনীকো নিজৰ পচন্দৰ খাদ্যৰ বিষয়ে জনাইছে বেকহামে। বিভিন্ন ধৰণৰ পাস্তা খাইছে বেকহামে।
ডোহাত ঘূৰা পকা কৰিবলৈ এখন ক’লা ৰঙৰ বিলাসী গাড়ী ভাড়া কৰি লৈছে বেকহামে। খেল চোৱাৰ উপৰিও কাটাৰৰ বিভিন্ন স্থানত গৈ দেশখনৰ সংস্কৃতি, ইতিহাসৰ বিষয়ে জ্ঞান লৈছে তাৰকাগৰাকীয়ে। দোহাৰ মিউজিয়াম অব ইচলামিক আৰ্টটো ভূমুকি মাৰিছে তেওঁ।
উল্লেখ্য যে ১০ বছৰৰ চুক্তিত কাটাৰৰ এম্বেচাদৰ হিচাপে আছে বেকহাম। সেয়ে বিশ্বকাপ চাবলৈ তেওঁ অকলেই দেশখনলৈ আহিছে। লগত পত্নী আৰু সন্তানক অনা নাই।
Continue Reading
