ডিজিটেল ডেস্কঃ সতীৰ্থক গোমাংস ৰান্ধি খুৱালে লিঅ’নেল মেছিয়ে। মেক্সিকোৰ বিৰুদ্ধে বিশ্বকাপৰ নিৰ্ণায়ক মেচখনত দূৰ্দান্ত বিজয়ৰ পাছতে গোমাসংৰে আনন্দ উৎসৱ উদযাপন কৰিলে মেছিবাহিনীয়ে।
মেচখনত বিজয়সাব্যষ্ট কৰাৰ পাছদিনা আৰ্জেণ্টিনাৰ খেলুৱৈসকলে বিশ্ৰাম লয়। কাটাৰ বিশ্ববিদ্যালয় কেম্পাচত খেলুৱৈসকলে অৱসৰ বিনোদন উদযাপন কৰে। তেনে সময়তে মেছিয়ে ৰন্ধা বঢ়াত সময় দিয়ে। সতীৰ্থসকলৰ বাবে তৈয়াৰ কৰে গোমাংসৰ বাৰ্বিকিউ।
উল্লেখ্য যে মেছিৰ অন্যতম চখ হৈছে ৰন্ধা-বঢ়া কৰাত। গোমাংস মেছিৰ প্ৰিয় খাদ্য। কেইবাবাৰো এই কথা তেওঁ নিজেই প্ৰকাশ কৰিছে। এতিয়া মেক্সিকোৰ বিৰুদ্ধে বিজয়সাব্যষ্ট কৰাৰ পাছত মেছিয়ে গোমাংস ৰন্ধাৰ ফটোসমূহে সামাজিক মাধ্যমত ভাইৰেল হৈ পৰিছে।
কেৱল মেছিয়ে নহয়, আৰ্জেণ্টিনাৰ সকলো খেলুৱৈৰে প্ৰিয় গোমাংসৰ বাৰ্বিকিউ। নিজৰ দেশত উৎপাদিত গৰুৰ মাংস কাটাৰলৈ লৈ আহিছে দলটোৱে। কাটাৰত যাতে তেওঁলোকে নিজৰ দেশৰ সোৱাদৰ পৰা বঞ্চিত নহয়, তাৰ বাবে প্ৰায় ৯০০ কেজি গৰুৰ মাংস দলটোৱে লগত লৈ আনিছে বুলি জানিব পৰা গৈছে।
Continue Reading
