ডিজিটেল ডেস্কঃ বিশ্বকাপৰ ফাইনেলৰ আগদিনাখনৰ ৰাতি ফিফাৰ প্ৰেচিডেণ্ট জিয়ানি ইনফাণ্টিনোৰ স’তে কটালে নোৰা ফাটেহিয়ে। ফিফাৰ প্ৰেচিডেণ্টগৰাকীক এটা বিশেষ উপহাৰো যাচে বলিউডৰ আইটেম গাৰ্লগৰাকীয়ে।
দেখা পোৱা গৈছে যে উপহাৰটো সেউজীয়া ফিটা মৰা ৰঙা বাকচৰ ভিতৰত ভৰাই ৰখা হৈছে। উপহাৰৰ বাকচটো লাভ কৰিয়েই উল্লাসিত হৈ পৰে ফিফাৰ প্ৰেচিডেণ্ট। সহকাৰীৰ সহায়ত বাকচটো তেওঁ খুলে। বাকচৰ ভিতৰত এজোৰ ৰঙা ৰঙৰ জোতা পোৱা গ’ল। জোতাত ড্ৰাগনৰ নক্সা আছে।
জোতাযোৰ দেখি আনন্দিত হৈ পৰে ফিফাৰ প্ৰেচিডেণ্ট। কয়- “বাহ! মোৰ খুব পচন্দ হৈছে জোতাযোৰ। এই জোতাযোৰ মই অফিচত থম।”
ফিফাৰ প্ৰেচিডেণ্টৰ এই ভাষ্যৰ প্ৰত্যুত্তৰত নোৰাই কয়- “আপোনাৰ পচন্দ হৈছে বুলি জানি মই ধন্য।” নোৰাই জানিবলৈ দিছে, এই বিশেষ জোতাযোৰ ফিফাৰ প্ৰেচিডেণ্টগৰাকীৰ বাবেই তৈয়াৰ কৰা হৈছিল।
উল্লেখ্য যে ফুটবল বিশ্বকাপৰ লুচাইল ষ্টেডিয়ামত অনুষ্ঠিতব্য ফাইনেলখনত নৃত্য পৰিৱেশন কৰিব নোৰা ফাটেহিয়ে। প্ৰথমগৰাকী বলিউডী শিল্পী হিচাপে তেওঁ এই আমন্ত্ৰণ লাভ কৰিছে।
Continue Reading
