ডিজিটেল ডেস্কঃ ঘৰুৱা খেলপথাৰত বিশ্বকাপ জয় কৰাটো ভাৰতীয় ক্ৰিকেট প্ৰেমীৰ বাবে এক সুন্দৰ মুহূৰ্ত হ’ব। অৱশ্যে বিশ্বকাপৰ অধিনায়ক ৰোহিত শৰ্মা আৰু প্ৰশিক্ষক ৰাহুল দ্ৰাবিড়ৰ বাবে এয়া এক কঠিন পৰীক্ষা বুলি ভাবে পাকিস্তানৰ প্ৰাক্তন পেচাৰ ৱাছিম আক্ৰমে।
৫ অক্টোবৰৰ পৰা আৰম্ভ হ’ব এই প্ৰতিযোগিতা। ইয়াৰ পূৰ্বে ২০১১ চনত ভাৰতত অনুষ্ঠিত হৈছিল বিশ্বকাপ। চেম্পিয়ন হিচাপে ভাৰতক নেতৃত্ব দিছিল মহেন্দ্ৰ সিং ধোনীয়ে।
যিহেতু বিশ্বকাপ পুনৰবাৰ দেশৰ মাটিত উঠিছে, স্বাভাৱিকতে ভাৰতক প্ৰিয় বুলি গণ্য কৰা হয়। কিন্তু পাকিস্তানৰ প্ৰাক্তন কিংবদন্তিগৰাকীয়েও আন কথা কৈছে।
শেষবাৰৰ বাবে ভাৰতীয় ক্ৰিকেট দলে আই চি চিৰ ট্ৰফী লাভ কৰিছিল ২০১৩ চনত। মহেন্দ্ৰ সিং ধোনিৰ নেতৃত্বত চেম্পিয়নছ ট্ৰফী লাভ কৰে। তেতিয়াৰ পৰাই আই চি চি প্ৰতিযোগিতাত ভাৰতৰ দৌৰ বন্ধ হৈছে ছেমি ফাইনেল আৰু ফাইনেলত প্ৰৱেশ কৰাৰ পাছত।
ভাৰতীয় দলৰ বিষয়ে আক্ৰামে কয়- ''ভাৰতীয় দলত মহম্মদ ছামিৰ দৰে পেচাৰ আছে। সপোনৰ ফৰ্মত আছে ছামী। কিন্তু বুমৰাহও সম্পূৰ্ণ ফিট হোৱাটো প্ৰয়োজন। বুমৰাহৰ ফিটনেছৰ পৰিস্থিতিৰ বিষয়ে মোৰ সম্পূৰ্ণ ধাৰণা নাই। কিন্তু যদি তেওঁ ফিট হয় তেন্তে তেওঁ বহুত পাৰ্থক্য আনিব।’’
ভাৰতীয় দলত এজন দক্ষ অল ৰাউণ্ডাৰ থকাটো অতি ইতিবাচক কথা বুলি আক্ৰমে বিবেচনা কৰে। ক’লে, ‘ভাৰতীয় দলত অশ্বিন-জাদেজাৰ দৰে দক্ষ স্পিনাৰ আৰু অল-ৰাউণ্ডাৰ আছে। চাওঁ কাক খেলোৱা হয়। ২০১১ চনত ভাৰতে জয়লাভ কৰিছিল। কিন্তু এইবাৰ অতিৰিক্ত হেঁচা পৰিব।’’
Continue Reading
