ডিজিটেল ডেস্কঃ আন্তঃৰাষ্ট্ৰীয় খেলপথাৰত উজলিল এগৰাকী অসম কন্যা। সংযুক্ত আৰৱ এমিৰেট চমুকৈ UAE ৰ ডুবাইত উজলিল গোলাঘাটৰ এগৰাকী মহিলা।
ভাৰত চৰকাৰৰ SBKF ৰ উদ্যোগত আৰু ডুবাই চৰকাৰৰ সহযোগত অনুষ্ঠিত কৰা হৈছে ৯ আন্তঃৰাষ্ট্ৰীয় খেল মহোৎসৱ ২০২৩। এই খেল মহোৎসৱৰ শ্বটপুট আৰু ডিচকাচ থ্ৰ' প্ৰতিযোগিতাত স্বৰ্ণ পদকসহ উজলিল গোলাঘাটৰ মিনাক্ষী কোঁৱৰ বৰা।
উল্লেখ্য যে বিগত মে' মাহত দিল্লীত অনুষ্ঠিত বাচনি প্ৰতিযোগিতাত অসমক প্ৰতিনিধিত্ব কৰি আন্তঃৰাষ্ট্ৰীয় খেলৰ বাবে নিৰ্বাচিত হৈছিল গোলাঘাটৰ মিনাক্ষী। মুঠ ৯ খন ৰাষ্ট্ৰৰ অংশগ্ৰহণেৰে ডুবাইত অনুষ্ঠিত হোৱা এই ক্ৰীড়া মহোৎসৱত স্বৰ্ণ জয় কৰি দেশৰ লগতে ৰাজ্যখনলৈ গৌৰৱ কঢ়িয়াই আনিছে মিনাক্ষী কোঁৱৰ বৰাই।
মিনাক্ষীৰ এই সাফল্যত আনন্দিত হৈ পৰিছে গোলাঘাট জিলাৰ লগতে সমগ্ৰ অসম।
Continue Reading
