ডিজিটেল ডেস্কঃ বিশ্বকাপ বিজয়ৰ পাছতে পত্নীৰ সংগ ত্যাগ কৰিলে নেকি লিঅ’নেল মেছিয়ে? এই লৈ এতিয়া চৰ্চা চলা দেখা গৈছে। বিশ্বকাপ বিজয়ৰ পাছতে আৰ্জেণ্টিনাৰ দলটোৱে ঘৰুৱা দেশত গৈ উপস্থিত হৈছে। অনুৰাগীসকলৰ পাৰভঙা উলাহৰ মাজত আৰ্জেণ্টিনাৰ তাৰকাসকলে ৰাজধানী চহৰ বুৱেনছ আইৰেছৰ ইজেইজা বিমানবন্দৰত বিমানৰ পৰা নামে।
বিমানৰ পৰা নামে লিঅ’নেল মেছিৰ স’তে বাকী ফুটবলাৰসকল। হাতত বিশ্বকাপৰ ট্ৰফী আৰু বিমানবন্দৰত অনুৰাগীসকলৰ উন্মাদনা। কিন্তু দেখা পোৱা নগ’ল মেছিৰ পত্নী আৰু সন্তান। পৰিয়াল অবিহনেই ঘৰলৈ ঘূৰি গ’ল মেছি।
প্ৰকৃততে বিশ্বকাপৰ ফাইনেল শেষ হোৱাৰ পাছতে মেছিৰ পত্নী আৰু সন্তান আৰ্জেণ্টিনালৈ উৰা মাৰে। সোমবাৰে আবেলিয়েই তেওঁলোকৰ ঘৰুৱা চহৰ ৰোজাৰিঅ’ত ব্যাপক সমাদৰৰ মাজেৰে বিমানৰ পৰা নামে মেছিৰ পত্নী এণ্ট’নেলা আৰু তিনি সন্তান।
মেছিৰ গৃহ চহৰ ৰোজাৰিঅ’ এতিয়া নন্দনকানন হৈ পৰিছে। মেছিক আদৰিবলৈ ব্যস্ত হৈ পৰিছে চহৰবাসী। তেওঁলোকৰ স’তে এণ্ট’নেলাইও যোগ দিছে। সকলোৱে মেছি তাত উপস্থিত হোৱালৈ অপেক্ষা কৰি আছে।
Continue Reading
