ডিজিটেল ডেস্কঃ যোৱা বিশ্বকাপৰ পাছত বাবৰ আজমে আঁতৰি যায়। ইয়াৰ পিছতে শ্বাহীন আফ্ৰিদিক টি-২০ দলৰ দায়িত্ব দিয়া হয়। সেই দায়িত্ব চাৰি মাহৰ ভিতৰত তেওঁৰ পৰা আতৰি যাব। পাকিস্তানী সংবাদ মাধ্যমৰ সূত্ৰ অনুসৰি টি-২০ বিশ্বকাপৰ পূৰ্বে শ্বাহিনক অপসাৰণ কৰা হ’ব। শুনা যায় যে বাবৰক দায়িত্বলৈ ঘূৰাই অনা হ’ব পাৰে।
নিউজিলেণ্ডৰ বিৰুদ্ধে টি-২০ শৃংখলাত ১-৪ গ’লত পৰাস্ত হয় পাকিস্তান। সেই ধাৰাবাহিকখনৰ নেতৃত্ব দিছিল শ্বাহীনে। শ্বাহীন নেতৃত্বাধীন লাহোৰ কালাণ্ডাৰছে এইবাৰৰ পাকিস্তান ছুপাৰ লীগ (পি এছ এল)ত ১০খন মেচত মাত্ৰ এখন খেলতে জয়লাভ কৰিছে। তিনিটা পইণ্টেৰে সকলোৰে তলৰ স্থানত অন্ত পেলায়। ইয়াৰ ফলত শ্বাহীনৰ নেতৃত্বৰ দক্ষতাক লৈ প্ৰশ্ন উত্থাপন হয়।
পাকিস্তানী ৱেবছাইটৰ প্ৰতিবেদন অনুসৰি বাবৰক পুনৰ নিযুক্তি দিয়া হ’ব পাৰে। যদি তেওঁ সন্মতি নিদিয়ে তেন্তে মহম্মদ ৰিজৱানক দায়িত্ব দিয়া হ’ব পাৰে। পি এছ এলত দুয়োজনে ভাল অগ্ৰগতি লাভ কৰিছে। ৰিজৱানৰ মুলতানে শীৰ্ষত আৰু বাবৰৰ পেশ্বৱাই দ্বিতীয় স্থান লাভ কৰে।
পাকিস্তান ব’ৰ্ডৰ নতুন অধ্যক্ষ মহছিন নাকভিয়ে টি-২০ত নেতৃত্ব সলনিৰ ইংগিত দিছে। আগন্তুক কেইদিনমানৰ ভিতৰতে বিষয়টো চূড়ান্ত কৰা হ’ব। বয়স আৰু অভিজ্ঞতাৰ অভাৱৰ বাবে শ্বাহীনক কৰ্তন হোৱাৰ সম্ভাৱনা আছে। বিশ্বকাপৰ পূৰ্বে নেতৃত্বৰ পৰিৱৰ্তনে নেতিবাচক প্ৰভাৱ পেলাব বুলিও বহুতে কৈছে।
Continue Reading
