ডিজিটেল ডেস্কঃ কাটাৰ বিশ্বকাপৰ ফাইনেলৰ তিনি সপ্তাহ পাৰ হৈ গৈছে। সেই খেলখনত তেওঁলোক ইজনে সিজনৰ শত্ৰু আছিল। কিন্তু বিশ্বকাপৰ শত্ৰুতা সামৰি লিঅ’নেল মেছি আৰু কেলিয়ান এমবাপেক পুনৰ তেওঁৰ ক্লাবৰ হৈ কান্ধত কান্ধ মিলাই যুঁজ দিয়া দেখা যাব। দেওবাৰে পেৰিছ ছেইণ্ট জাৰ্মেইনে ৰেনেছৰ বিৰুদ্ধে এখন মেচ আছে। তাতেই মেছি-এমবাপেক পুনৰ একেলগে খেলি থকা দেখা যাব। নেইমাৰো তাত থাকিব।
বিশ্বকাপ জিকাৰ পিছত মেছি নিজৰ দেশত ছুটিত গৈছিল। প্ৰায় ১০ দিন ছুটি কটোৱাৰ পিছত তেওঁ নতুন বছৰটোত পেৰিছৰ ক্লাবত পুনৰ যোগদান কৰে। ফাইনেলত পৰাজিত হোৱাৰ পিছত এমবাপেই ছুটি লোৱা নাছিল। তেওঁ পোনপটীয়াকৈ ঘৰলৈ উভতি আহিছিল আৰু ক্লাবৰ শিবিৰত যোগদান কৰিছিল। অৱশ্যে দুখন মেচ খেলাৰ পিছত তেওঁক প্ৰশিক্ষক ক্ৰিষ্টোফ গালচিয়ে ছুটি দিছিল। তেওঁ আমেৰিকা যুক্তৰাষ্ট্ৰ ফুৰিবলৈ গৈছিল। এতিয়া ঘৰলৈ উভতি আহিছে। তেওঁ ক্লাবৰ শিবিৰতো যোগদান কৰিছে।
উল্লেখ্য এমবাপে আৰু মেছি দুয়োজনে পৰস্পৰৰ অনুৰাগী নহয়। দুয়োৰে কেতিয়াও বন্ধুত্বও নাছিল। বৰঞ্চ এমবাপেই ক্ৰিষ্টিয়ানো ৰোণাল্ডোকহে প্ৰিয় খেলুৱৈ হিচাপে পচন্দ কৰে। কিন্তু মেছিৰ প্ৰতিও তেওঁৰ সন্মান আছে। দুয়োৰে পেছাদাৰীত্বও আছে। সেইবাবেই একেটা ক্লাবতে দুয়োজন আছে।
Continue Reading
