ডিজিটেল ডেস্কঃ ক্ৰিষ্টিয়ানো ৰোনাল্দোৰ পিছত লিয়োনেল মেছিয়েও ক্লাব ফুটবল খেলিবলৈ চৌদি আৰৱলৈ যাব পাৰে বুলি এতিয়া বিভিন্ন মহলত চৰ্চা চলিছে৷ খবৰ অনুসৰি চৌদি ক্লাববোৰেও মেছিক মোটা অংকৰ ধনৰ বিনিময়ত চুক্তিবদ্ধ কৰোৱাবলৈ ইচ্ছা প্ৰকাশ কৰিছে৷
চৌদি আৰৱৰ লীগৰ অন্যতম শ্ৰেষ্ঠ ক্লাব আল-নাছৰৰ অন্যতম প্ৰতিদ্বন্দী আল-হিলালে বৃহৎ পৰিমাণৰ ধনৰ বিনিময়ত লিঅ'নেল মেছিক চুক্তিবদ্ধ কৰোৱাৰ উদ্যোগ লৈছে। আল-হিলালে মেছিক ভাৰতীয় মুদ্ৰাত ২,৪০০ কোটি টকা আগবঢ়াব পাৰে বুলিও বিশেষ সূত্ৰই খবৰ প্ৰকাশ কৰিছে। যদি মেছিয়ে এই প্ৰস্তাৱত সন্মত হয় তেন্তে তেওঁ ক্লাব ফুটবলৰ ইতিহাসত সৰ্বাধিক উপাৰ্জন কৰা ফুটবলাৰ হ'ব।
অৱশ্যে যদি মেছিয়ে পিএছজিৰ সৈতে চুক্তিৰ ম্যাদ সম্প্ৰসাৰিত কৰে তেন্তে তেওঁ আৰু এছিয়ালৈ ক্লাব ফুটবল খেলিবলৈ নাহে। কাটাৰ বিশ্বকাপত মেছিৰ প্ৰদৰ্শন দেখাৰ পিছৰে বহুতো পৰাই বহু ক্লাবে তেওঁক নিজৰ দললৈ নিবলৈ আগ্ৰহী হৈ পৰিছে। পুৰণি ক্লাব বাৰ্চিলোনায়ো মেছিক ঘূৰাই নিব বিচাৰি আছে। মেজৰ লীগ ছকাৰ দল ইণ্টাৰ মিয়ামীয়েও মেছিক দলত অন্তৰ্ভুক্ত কৰিবলৈ আগ্ৰহ দেখুৱাইছে। এতিয়া সকলো কথা নিৰ্ভৰ কৰিছে একমাত্ৰ মেছিৰ ওপৰতে৷
Continue Reading
