ডিজিটেল ডেস্কঃ সপোনৰ ছন্দত আছে বিৰাট কোহলী। নতুন বছৰটোত তেওঁ দ্বিতীয়টো শতৰাণ সম্পূৰ্ণ কৰিছে। শ্ৰীলংকাৰ বিৰুদ্ধে থিৰুৱন্তপুৰমৰ গ্ৰীনফিল্ড ষ্টেডিয়ামত তেওঁ তৃতীয়খন এদিনীয়াত পঁচাশীটা বলত শতৰাণটো সম্পূৰ্ণ কৰিছে।
ইয়াৰ পূৰ্বেও গুৱাহাটীত কোহলীয়ে চিৰিজটোৰ প্ৰথমখন এদিনীয়াত ৮৭টা বলতে ১১৩ ৰাণৰ এটা দূৰ্দান্ত ইনিংছ খেলিছিল। কোহলীৰ শতৰাণ, ৰোহিত শৰ্মা আৰু শুভমন গীলৰ অৰ্ধ শতকেৰে প্ৰথম ইনিংছত ৩৭৪ ৰাণৰ পৰ্বতসম লক্ষ্য বান্ধিবলৈ সক্ষম হৈছিল। প্ৰত্যুত্তৰত শ্ৰীলংকাই ৩০৬ ৰাণ ইনিংছ সামৰিছিল। ডাছুন ছানাকাই শতৰাণ আৰু পাথুম নিছাংকই অৰ্ধশতক কৰিলেও টীম ইণ্ডিয়াৰ লক্ষ্য অতিক্ৰম কৰিব পৰা নাছিল।
কিন্তু কলকাতাৰ ইডেন গাৰ্ডেনৰ দ্বিতীয়খন এদিনীয়াত ব্যৰ্থ হৈছিল কোহলী। কে এল ৰাহুলৰ বিস্ফোৰক অৰ্ধশতকেৰে খেলখনত টীম ইণ্ডিয়া জয়ী হ’লেও কোহলীয়ে মাত্ৰ চাৰি ৰাণতে পেভিলিঅ’নমুখী হৈছিল।
তৃতীয়খন এদিনীয়াত এটা দূৰ্দান্ত শতৰাণৰ ইনিংছ খেলা কোহলীৰ এইটো এদিনীয়া কেৰিয়াৰৰ ৭৪তম শতৰাণ। ইতিমধ্যে তেওঁ অলেখ অভিলেখৰ গৰাকী হৈছে। তাৰ মাজতে এই শতৰাণটোও থাকিব।
Continue Reading
