ডিজিটেল ডেস্কঃ শচীন টেণ্ডুলকাৰৰ অভিলেখ অতিক্ৰম কৰে ৰোহিত শৰ্মাই। বুধবাৰে দিল্লীত আফগানিস্তানৰ বিৰুদ্ধে ভাৰতৰ অধিনায়কে আইচিচি বিশ্বকাপৰ ইতিহাসত সৰ্বাধিক শতাধিক শতক অৰ্জনৰ অভিলেখ কৰে।
উল্লেখ্য যে ৰোহিতে বিশ্বকাপত এতিয়ালৈকে সাতটাকৈ শতক অৰ্জন কৰিছে। ছটা শতকেৰে তেওঁৰ পাছতে আছে শচীন টেণ্ডুলকাৰ। আনহাতে, পাঁচটাকৈ শতক অৰ্জন কৰিছিল ছাংগাক্কাৰা আৰু ৰিকী পণ্টিঙে।
মাত্ৰ ৬৩টা ডেলিভাৰীৰ সন্মুখিন হৈ ১২টা চাৰি আৰু ৪টা ছয়ৰে শতকত উপনীত হয় ৰোহিতে। ৩৬ বছৰীয়া ৰোহিতে বিশ্বকাপৰ ইতিহাসত ১০০০ ৰান অতিক্ৰম কৰা সৰ্বাধিক দ্ৰুত বেটছমেন হিচাপেও পৰিগণিত হয়। মাত্ৰ ১৯ ইনিংছতে এই সীমাত উপনীত হয়।
শচীন তেণ্ডুলকাৰ, সৌৰভ গাংগুলী আৰু বিৰাট কোহলীৰ পিছতে বিশ্বকাপত ১০০০ ৰান সংগ্ৰহ কৰা চতুৰ্থজন ভাৰতীয় হিচাপে পৰিগণিত হয় ৰোহিতে।
২০১৫ চনৰ সংস্কৰণত ৰোহিতে বিশ্বকাপৰ যাত্ৰা আৰম্ভ কৰিছিল, বাংলাদেশৰ বিৰুদ্ধে কোৱাৰ্টাৰ ফাইনেলত শতকৰে ৩৩০ ৰান সংগ্ৰহ কৰিছিল। ২০১৯ চনৰ সংস্কৰণত পাঁচটাকৈ শতক অৰ্জন কৰে। সেইবাৰ ৰোহিতে ৬৪৮ ৰানেৰে প্ৰতিযোগিতাখনৰ সৰ্বাধিক ৰান সংগ্ৰহকাৰী হিচাপেও পৰিগণিত হয়।
Continue Reading
