ডিজিটেল ডেস্কঃ ব্ৰিটেইনৰ ৰাণী দ্বিতীয় এলিজাবেথৰ মৃত্যুৰ পিছতে ব্ৰিটিছ ৰাজবংশৰ পৰম্পৰা অনুসৰি তেওঁৰ পুত্ৰ তৃতীয় চাৰ্লছ সিংহাসনত বহিছে। মাতৃৰ দৰেই তৃতীয় চাৰ্লছো এগৰাকী উদ্যমী ব্যক্তি। চাৰ্লছৰ বৰ্তমানৰ পত্নী কেমিলা পাৰ্কাৰ এতিয়া ব্ৰিটেইনৰ ৰাণী। ৰাণী বুলিয়েই নহয়, ৰাজ পৰিয়ালৰ এগৰাকী সদস্যা হিচাবে কেমিলা পাৰ্কাৰ আগৰে পৰাই চৌখিন।
ৰূপ চৰ্চাত তেওঁ ভালেখিনি সময় খৰচ কৰি আহিছে।ৰজাৰ পত্নী কেমিলা পাৰ্কাৰৰ বয়স ৭১ বছৰ। তথাপি তেওঁ বাৰ্দ্বক্যক যেন কাষ চাপিবলৈ দিব নিবিচাৰে।আন দহ গৰাকী মহিলাৰ দৰেই কেমিলাৰ সাজ-সজ্জাৰ প্ৰতি যথেষ্ট দুৰ্বলতা আছে। আনকি এই বয়সতো, তেওঁৰ খোৱা-পিন্ধা আদিৰ ৰুটিন খন অতি পৰিপাটী। ৰাণীৰ উজ্জ্বল ছালৰ ৰহস্য জানিবলৈ বহুতেই ইচ্ছা কৰে। ৰাণীয়ে নে কি বস্তু ছালত ঘঁহে যাৰ বাবে তেওঁৰ ছাল খন ইমান উজ্জ্বল আৰু নিমজ হৈ আছে?
দৰাচলতে কেমিলাই ছালৰ যত্নৰ বাবে মৌমাখিৰ বিষ ব্যৱহাৰ কৰে। বহুতেই হয়তো এই কথা শুনি আচৰিত হ’ব। দৰাচলতে ছালত বয়সৰ ছাপ পৰাটো প্ৰতিহত কৰিবলৈ কেমিলাই মৌমাখিৰ বিষ ব্যৱহাৰ কৰে। মৌমাখিৰ বিষেৰে তৈয়াৰ কৰা এক বিশেষ ক্ৰীম ব্যৱহাৰ কৰাৰ বাবে তেওঁৰ ছালৰ ছালনিমজ হৈয়েই আছে।
বিখ্যাত মেকআপ শিল্পী ডেবৰা মিচেলে কেমিলাৰ বাবে সেই বিশেষ ক্ৰীম বিধ তৈয়াৰ কৰি আহিছে। কিন্তু এই ক্ৰীমে কেনেদৰে কাম কৰে?
দৰাচলতে কাৰোৱাক দংশন কৰাৰ সময়ত মৌমাখিয়েএবিধ বিশে তৰল নিষ্কাশন কৰে। ক্ৰীম বিধত সেই তৰলেই ব্যৱহাৰ কৰা হয়। তেনে ক্ৰীম ছালত য'তেই ব্যৱহাৰ কৰা হয়, তাতেই কোনোবাই হুল বিন্ধাই দিয়াৰ দৰে বিষ হয়। ফলত ছালৰ সেই অংশত ৰক্ত সঞ্চালনৰ হাৰ বৃদ্ধি হয়।
ইয়াৰ ফলতে ছালৰ সেই অংশত কোলাজেন উৎপাদনৰ হাৰো বৃদ্ধি হয়। ছালত বয়সৰ প্ৰভাৱ প্ৰতিহত কৰাত কোলাজেন অতি প্ৰয়োজনীয়। দক্ষিণ কোৰিয়াতো ছালৰ যত্নত মৌমাখিৰ বিষ বহুলভাৱে ব্যৱহাৰ কৰা হয়। সেই একেই পদ্ধতি ব্যৱহাৰ কৰি ৰাণী কেমিলা পাৰ্কাৰ হৈ আছে ’চিৰ যৌৱনা’।
Continue Reading
