বিতৰ্ক নহয়, কংগনাৰ হৃদয়ত এইবাৰ প্ৰেমৰ স্পন্দন; কাৰ আগমন ঘটিছে কংগনাৰ জীৱনলৈ ?

ডিজিটেল ডেস্কঃ বিতৰ্ক নহয় এইবাৰ প্ৰেমত বিভোৰ ‘কন্ট্ৰভাৰ্ছী কুইন’ কংগনা । যিকোনো প্ৰকাৰেই নহওক কিয় বলীউডত নিজৰ এক সুকীয়া পৰিচয় গঢ়ি তোলা কংগনা ৰাণাৱটে আকৌ এবাৰ প্ৰেমত পৰিছে। খবৰটোৱে একাংশক হতচকিত কৰি তুলিলেও শেহতীয়াকৈ অভিনেত্ৰীগৰাকীয়ে নিজে এই কথা স্বীকাৰ কৰিছে। অতি সোনকালে এই বিষয়ে প্ৰকাশ কৰিব বুলিও জনাইছে কংগনাই। পদ্মশ্ৰী বঁটা বিজয়ী অভিনেত্ৰীগৰাকীৰ হৃদয়ত এতিয়া প্ৰেমৰ স্পন্দন শুনিবলৈ পাইছে অনুৰাগীয়ে! স্মৰ্তব্য যে, এইগৰাকী অভিনেত্ৰীয়ে বলীউড অভিনেতা হৃত্বিক ৰোশনক ভাল পাইছিল। কিন্তু দুয়োৰে সম্পৰ্ক দীঘলীয়া নহ’ল। তেওঁলোকৰ এই সম্পৰ্কক লৈ বিতৰ্কৰো শেষ নাই। পাছে পুৰণি কথাবোৰ পাহৰি, কংগনাই জীৱনটো এইবাৰ নতুন ৰূপত চাবলৈ বিচাৰিছে। নতুন সপোন বুকুত বান্ধি সময়ৰ সৈতে খোজ দিয়াৰেই যেন দুৰ্বাৰ হেঁপাহ কংগনাৰ! ‘টাইমছ নাও’ৰ এক সন্মিলনত, বলীউড 'কুইন' খ্যাত কংগনাই আগন্তুক পাঁচ বছৰৰ বাবে এক বৃহত্‍ পৰিকল্পনা কৰা বুলি সদৰী কৰিছে। অভিনেত্ৰীগৰাকীয়ে নিজকে এগৰাকী পত্নী আৰু মাতৃ হিচাপে চাবলৈ আগ্ৰহী। তেতিয়াই তেওঁক প্ৰশ্ন কৰা হৈছিল, ‘কাৰোবাৰ সৈতে আপোনাৰ সম্পৰ্ক আছে নেকি? অতি সোনকালে তেওঁ এই বিষয়ে জনাব বুলি কয়। কিন্তু কংগনাৰ জীৱনত যে কোনোবা স্পেছিয়েল ব্যক্তিৰ আগমন ঘটিছে সেয়া সহজে অনুমেয়। এনেবোৰ কথাৰ মাজতে অতীতৰ স্মৃতি ৰোমন্থন কৰি কংগনাই কয়, ‘ইংৰাজী ক’ব নাজানা বাবে লাজ পাইছিলো। এটা মধ্যবিত্ত পৰিয়ালৰ পৰা আহিছিলো বাবে গ্লেমাৰ জগতত খোজ থৈ লাজ পাইছিলো।’ সেয়া যি কি নহওক, সদায় বিতৰ্কৰ মাজতে দেখিবলৈ পোৱা অভিনেত্ৰীগৰাকীৰ অকস্মাত্‍ এই পৰিবৰ্তনে হতবাক কৰি তুলিছে অনুৰাগী।