ডিজিটেল ডেস্কঃ দক্ষিণৰ জনপ্ৰিয় অভিনেতা ৰামচৰণ পিতৃ হ’ল। বিয়াৰ ১১ বছৰৰ মূৰত তেওঁলোকৰ সংসাৰলৈ আহিল এটি কন্যা সন্তান। এই খবৰ পোৱাৰ পিছতে আনন্দে নধৰা হৈছে ৰামচৰণৰ অনুৰাগীসকলৰ হিয়া। চিকিৎসালয়ৰ বাহিৰত কেক কাটি, ফটকা ফুটাই ৰামচৰণৰ অনুৰাগীসকলে আনন্দ প্ৰকাশ কৰিছে। ৰামচৰণৰ পত্নী উপাসনাই এটি কন্যা সন্তান জন্ম দিছে।
সোমবাৰে ৰাম চৰণৰ পত্নী উপাসনাক হায়দৰাবাদৰ এপোলো চিকিৎসালয়লৈ ভৰ্তি কৰোৱা হৈছিল ।চিকিৎসালয়তেই তেওঁ এটি কন্যা সন্তান জন্ম দিয়ে । বিয়াৰ ১১ বছৰৰ পিছত সন্তানৰ মুখ দেখা পাই আনন্দিত হৈ পৰিছে ৰামচৰণ আৰু উপাসনা। এই খবৰটো হায়দৰাবাদৰ এপোলো চিকিৎসালয়ে সামাজিক মাধ্যমত শ্বেয়াৰ কৰাৰ পিছতে ৰামচৰণৰ অনুৰাগীসকলৰ মাজত আনন্দৰ লহৰ উঠে।तैयार
চিকিৎসালয়খনে প্ৰকাশ কৰা চিকিৎসা বুলেটিনত কোৱা হৈছে যে "২০ জুন, ২০২৩ তাৰিখে উপাসনা কামিনেনি কনিডেলা আৰু ৰাম চৰণৰ এটি কন্যা সন্তানৰ জন্ম হৈছে। কেঁচুৱাটো হায়দৰাবাদৰ এপোলো হস্পিটেল জুবিলি হিলছত জন্ম হৈছে। কেঁচুৱা আৰু মাতৃ (উপাসনা) দুয়ো বৰ্তমান সুস্থ হৈ আছে।'ৰাম চৰণৰ পিতৃ মেগাষ্টাৰ চিৰঞ্জীৱীয়েও তেওঁৰ অনুৰাগীসকলক এই ভাল খবৰটো দিছে।
মাইক্ৰ'ব্লগিং ছাইট টুইটাৰত এই খবৰ দি মেগাষ্টাৰ চিৰঞ্জীৱীয়ে লিখিছে যে হনুমানজীৰ অনুগ্ৰহৰ বাবেই তেওঁৰ পুত্ৰ ৰাম চৰণ আৰু বোৱাৰী উপাসনাই তেওঁলোকৰ প্ৰথম সন্তানৰ মুখ দেখিছে। এই বছৰৰ আৰম্ভণিতে, মাতৃ দিৱস উপলক্ষে, ৰাম চৰণৰ পত্নী উপাসনাই তেওঁৰ ইনষ্টাগ্ৰাম একাউণ্টত এটা টোকা লিখিছিল। এই টোকাটোত তেওঁ কৈছিল - মই মাতৃ হ’বলৈ পালে গৌৰৱান্বিত হ’ম। মই এটা সন্তান জন্ম দিয়াৰ দিশে আগবাঢ়িছো । মই চৰ্তহীন মৰম আৰু যত্নৰ বাবে আৱেগিকভাৱে সাজু অনুভৱ কৰিছো।
Continue Reading
