ডিজিটেল ডেস্কঃ নিজৰ বিয়াৰ চিঠিত মহেন্দ্ৰ সিং ধোনীৰ এখন পুৰণি ফটো সংলগ্ন কৰিলে এগৰাকী অনুৰাগীয়ে। তাৰপাছতে চৰ্চালৈ আহিছে এই লৈ।
সাধাৰণতে প্ৰিয় খেলুৱৈসকলক লৈ উন্মাদনা সমগ্ৰ বিশ্বতে দেখা যায়। ভাৰতো ইয়াৰ ব্যতিক্ৰম নহয়। ইয়াতো ক্ৰিকেটাৰৰ উন্মাদনা কেতিয়াবা ডাঙৰ উচ্চতাত উপনীত হয়। আৰু সেইজন ক্ৰিকেটাৰ যদি মহেন্দ্ৰ সিং ধোনী হয়, তেন্তে উন্মাদনা আন এটা স্তৰলৈ যোৱাটো নিশ্চিত।
এনে উদাহৰণ কৰ্ণাটকত দেখা গ’ল। ধোনিৰ প্ৰতি থকা প্ৰেম ইমানেই যে এজন অনুৰাগীয়ে তেওঁৰ বিয়াৰ কাৰ্ডত নিজৰ প্ৰিয় তাৰকাৰ এখন ছপা কৰি দিলে। ইনষ্টাগ্ৰামৰ এটা ফেন পেজৰ সহায়ত এই ছবিখন পোহৰলৈ আহিছে।
দেখিবলৈ পোৱা গৈছে যে বিয়াৰ কাৰ্ডখনত ধোনিৰ এখন পুৰণি ফটো ছপা হৈ আছে। ২০১৩ চনত চেম্পিয়নছ ট্ৰফী জয় কৰাৰ পিছত ধোনিয়ে সংবাদমেললৈ লৈ আহিছিল ট্ৰফীটো। সেই ছবিখন বিয়াৰ কাৰ্ডত ছপা কৰা হৈছে।
আই পি এল আৰম্ভ হ’বলৈ বাকী আছে তিনি সপ্তাহ। ৩১ মাৰ্চৰ পৰা প্ৰথমখন খেল আৰম্ভ কৰিব ধোনীয়ে। তেওঁলোকৰ প্ৰতিদ্বন্দ্বী গুজৰাট টাইটানছ। ইতিমধ্যে ধোনীয়ে প্ৰশিক্ষণ আৰম্ভ কৰিছে। বহুতে ভাবে যে এয়া ধোনীৰ শেষ আই পি এল। তেনে সময়তে ধোনীক লৈ এই উন্মাদনাই তেওঁৰ অশেষ জনপ্ৰিয়তাকে প্ৰতিপন্ন কৰিছে।
Continue Reading
