ডিজিটেল ডেস্কঃ বিয়াৰ দিনাই পলাল কইনা। কইনা নিনিয়াকৈ ঘৰলৈ নাযাও বুলি মণ্ডপতে ১৩ দিন বহি থাকিল দৰা। আনকি ১৩ দিন দৰাই চেহেৰাও ঢাকি ৰাখিছিল। এই ঘটনা সংঘটিত হৈছে ৰাজস্থানৰ পালিত। কইনা আনিবলৈ দৰাযাত্ৰী কইনাৰ ঘৰত উপস্থিত হয়। দৰাযাত্ৰীক কইনা ঘৰে আদৰণি জনোৱাৰ লগতে সকলো ৰীতি-নীতি সম্পূৰ্ণ কৰা হয়।
সাত ফেৰে লোৱাৰ সময়তে কইনাই পেটৰ বিষ আৰু বমিৰ অজুহাতত ঘৰৰ ভিতৰলৈ আহে আৰু সেই সময়তে কইনা প্ৰেমিকৰ সৈতে পলাই যায়। আত্মীয়ই যেতিয়া এই ঘটনাৰ কথা জানিব পাৰিলে, তেতিয়া ঘৰত হুলস্থুলীয়া পৰিৱেশৰ সৃষ্টি হয়। পৰিয়ালে কইনাক বিচাৰিবলৈ আৰম্ভ কৰিলে, কিন্তু কোনো সন্ধান পোৱা নগ’ল।
কইনাৰ পলায়নৰ খবৰে গাঁওখনত আলোড়নৰ সৃষ্টি কৰিলে। দৰা পক্ষৰ মানুহে কইনাক লৈ যোৱাত অটল হৈ থাকিল। ১৩ ধৰি কইনাঘৰৰ মণ্ডপতে বহি থাকিল দৰা। দৰাৰ লগতে দৰাৰ পৰিয়ালৰ মানুহো কইনাক লগত নিনিয়াকে উভতি নাযাও বুলি দাবী তুলিলে।
কইনাৰ পৰিয়ালৰ লোকে কন্যাৰ নিৰুদ্দেশৰ এজাহাৰ দাখিল কৰে থানাত। আৰক্ষীয়ে ছোৱালীজনীৰ সন্ধানত তদন্ত চলোৱাত পোহৰলৈ আহে যে তেওঁক এজন নাবালকে পলোৱাই নিছে। নাবালক ল’ৰাজন কইনাৰে কোনো আত্মীয়।
১৩ দিনৰ মূৰত আৰক্ষীয়ে অভিযুক্ত ল’ৰাজনক নিজৰ জিম্মাত লৈ কইনাগৰাকীক পৰিয়ালৰ হাতত গতাই দিয়ে। কইনাৰ আগমনৰ লগে লগে দৰাৰ অপেক্ষাৰ অন্ত পৰিল। বিয়াৰ বাকী ৰীতি-নীতি সম্পূৰ্ণ কৰি কইনাক ঘৰলৈ লৈ যায় দৰাই।
Continue Reading
