ডিজিটেল ডেস্কঃ অভিনেত্ৰী কংগনা ৰাণাৱটে নিজৰ কামতকৈ বৰ্তমান বক্তব্যৰ বাবেহে অধিক বাতৰিৰ শিৰোনাম দখল কৰি আছে। ছ’চিয়েল মিডিয়াত অতি সক্ৰিয় হৈ থাকে অভিনেত্ৰীগৰাকী আৰু প্ৰায়ে তেওঁ কাৰোবাক টাৰ্গেট কৰা দেখা যায়। এইবাৰ কংগনাই বলীউডৰ মাফিয়াক টাৰ্গেট কৰি কিছু কথা কৈছে। কংগনাই নিজৰ টুইটাৰ একাউণ্টৰ পৰা দুটা-তিনিটা টুইট কৰিছে।
কংগনা ৰানাৱটে টুইট কৰি লিখিছে, ‘ভিক্ষাৰী চলচ্চিত্ৰ মাফিয়াই মোৰ মনোভাৱক মোৰ অহংকাৰ বুলি অভিহিত কৰিছে। কাৰণ মই তেওঁলোকৰ সন্মুখত দাঁত উলিয়াই হাঁহি নাথাকো, আইটেম নাম্বৰ নানাচো, বিয়াত আন ছোৱালীৰ দৰে নাচিবলৈ নাযাওঁ। হিৰোৰ কোঠালৈ ৰাতি মাতিলে মই নাযাওঁ। মোক পাগল বুলি ঘোষণা কৰি জেললৈ পঠিয়াবলৈ চেষ্টা কৰিছে।
কংগনাই দ্বিতীয় টুইটোটত লিখিছে এয়া অহংকাৰ নে সততা? তেওঁলোকে নিজকে শুধৰোৱাৰ সলনি মোক সলনি হোৱাৰ কথা কবলৈ আহে! আচল কথাটো হ’ল মই নিজৰ বাবে একো নিবিচাৰো। মই মাত্ৰ সকলো বন্ধকত ৰাখি ছবি এখন নিৰ্মাণ কৰিছো। দানৱবোৰ নিঃশেষ হৈ যাব। ইয়াৰ বাবে মোক কোনেও দোষ নিদিব। অৱশ্যে এই টুইটসমূহত কংগনাই কোনো বিশেষ ব্যক্তিৰ নাম উল্লেখ কৰা নাই। আগন্তুক সময়ত কংগনা ৰাণাৱটক ‘ইমাৰ্জেন্সী’ ছবিখনত দেখা যাব বুলি জনাব।
Continue Reading
